សង្ស័យងោកបើករថយន្តក្រឡុកសុីម៉ង់ត៍បុករះដើមឈើជាច្រើនដើមនិងបង្គោលភ្លើងមួយដើមបាក់២កំណាត់
ភ្នំពេញ៖ បុរសម្នាក់បើករថយន្តក្រឡុកសុីម៉ង់ត៍មួយគ្រឿងរបស់ ក្រុមហ៊ុនចិន សុីង សេង រេចង្កូត ឡើងលើសួនច្បារចែកផ្លូវបុករះដើមឈើជាច្រើនដើមនិងបង្គោលមួយដើមបាក់ជាពីកំណាត់
គ្រោះថ្នាក់ចរាចរណ៍នេះកើតឡើងកាលពីវេលាម៉ោង២ រំលងអាធ្រាត្រ ចូលថ្ងៃទី៣ ខែតុលាឆ្នាំ២០១៩ នៅមុខ ភោជនីយដ្ឋាន កាដូ តាមបណ្តោយផ្លូវជាតិលេខ៦A សង្កាត់ជ្រោយចង្វារ ខណ្ឌជ្រោយចង្វារ។
ប្រភពព័ត៌មានពីកន្លែងកើតហេតុបាមនឲ្យដឹងថា មុនកើតហេតុគេឃើញរថយន្តក្រឡុកសុីម៉ង់ត៍ មួយគ្រឿង ក្បាលពណ៌ស ពាក់ស្លាកលេខភ្នំពេញ5A-2113 បើកបរដោយបុរសម្នាក់ធ្វើដំណើរតាមបណ្ដោយផ្លូវជាតិលេខ(៦អា)ទិសដៅពីជើងទៅត្បូង ខណៈមកដល់ចំណុចកើតហេតុសង្ស័យ តៃកុងងោក ក៏រេចង្កោត មកខាងឆ្វេងដៃឡើងលើសួនច្បារចែកផ្លូវបុករះដើមឈើជាច្រើនដើមនិងខឿនសួនច្បារអស់ជាច្រើនកង់រួចបន្តបុកបង្គូលភ្លើងបំភ្លឺផ្លូវមួយដើមរលើងដល់គល់ប៉ើងមកកណ្តាលផ្លូវបាក់ជាពីកំណាត់ សំណាង មិនបង្កឲ្យមានអ្នករងរបួស។
ប្រភពបន្តថា បន្ទាប់ពីបង្កហេតុភ្លាមៗអ្នកបើករថយន្តបានចុះរត់គេចខ្លួនបាត់ស្រមោល។
ក្រោយកើតហេតុសមត្ថកិច្ចចុះមកដល់បានវាស់វែងយករថយន្តបង្កទៅរក្សាទុកនៅការិយល័យចរាចរណ៍ផ្លូវគោករាជធានីភ្នំពេញ រងចាំដោះស្រាយទៅតាមផ្លូវច្បាប់៕
