ឃាត់ខ្លួនជនជាតិឡាវម្នាក់ដកហូតថ្នាំញៀនជិត៣គីឡូក្រាម

ភ្នំពេញ)៖ ជនសង្ស័យជាមុខសញ្ញាជួញដូរគ្រឿងញៀន​ ជនជាតិឡាវម្នាក់​ ត្រូវបានកម្លាំងនគរបាលខេត្តស្ទឹងត្រែង ឃាត់ខ្លួននិង​ដកហូត​ ថ្នាំញៀនបានជិត៣គីឡូក្រាមកាល​ពីយប់ថ្ងៃទី០២ខែតុលា ឆ្នាំ២០១៩​ ម្សិលមិញ នៅក្បែរច្រកព្រំដែន កម្ពុជា-ឡាវ ត្រពាំងគ្រៀល បន្ទាប់ពីជនសង្ស័យឆ្លងចូលទឹកដីកម្ពុជា។

ជនសង្ស័យ មានឈ្មោះ សា វី ភេទប្រុស អាយុ ៣៥ឆ្នាំ ជនជាតិឡាវ មុខរបរ កសិករ រស់នៅ ភូមិឡាក់សៅ ស្រុកខាំកឺប ខេត្តបូ លី ខាំសៃ ប្រទេសឡាវ។

បច្ចុប្បន្ន ជនសង្ស័យ និងវត្ថុតាងត្រូវបាន បញ្ជូនទៅកាន់ស្នងការនគរបាលខេត្តស្ទឹងត្រែងដើម្បីកសាងសំណុំរឿងបញ្ជូនទៅតុលាការ៕