រថយន្ត ស្លាកលេខខេមរភូមិន្ទ បុកខឿនពុះចែកផ្លូវនិងបង្គោលភ្លេីងបាត់មួយដើម ម្ចាស់គេចខ្លួនបាត់
ភ្នំពេញ៖ បុរសម្នាក់បើករថយន្ត ស្លាកលេខខេមរភូមិន្ទ លឿនមិនប្រយត្ន័ជ្រុលទៅបុកខឿន ពុះចែកទ្រូងផ្លូវនិងបង្គោលភ្លើងបាក់១ដើម
ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង១១និង៤០នាទីយប់ ថ្ងៃទី៦ ខែតុលា ឆ្នាំ២០១៩ នៅចំណុចមុខវត្តនិរោធ តាមបណ្ដោយផ្លូវជាតិលេខ១ សង្កាត់និរោធ ខណ្ឌច្បារអំពៅ ។
យោងតាមប្រភពនៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តបង្កម៉ាកលុច្សសុីស IS250 ពណ៌ខ្មៅ ពាក់ស្លាកលេខ ខេមរៈភូមិន្ទ.0.12-4465 បើកបរដោយបុរសម្នាក់ សង្ស័យស្រវឹងស្រាធ្វើដំណើរតាមបណ្ដោយផ្លូវជាតិលេខ១ ទិសដៅពីលិចទៅកើត ក្នុងល្បឿនយ៉ាងល្បឿន ខណៈមកដល់ចំណុចកើតហេតុ បានរេចង្កូតមកឆ្វេង ជ្រុលទៅបុកខឿនពុះចែកទ្រូងផ្លូវរួចបន្តផ្លោងទៅបុកបង្គោលភ្លើងបំភ្លឺផ្លូវបាក់មួយដើម កល់រថយន្តជាប់ទៅមុខលែងរួច។ ភ្លាមៗអ្នកបើកបរ បានបើកទ្វាររថយន្តចេញរួចគេចខ្លួនបាត់។
ក្រោយកើតហេតុ សមត្ថកិច្ច ជំនាញចុះមកវាស់វែងស្ទូចយករថយន្តបង្ក ទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ រង់ចាំឲ្យម្ចាស់ចូលខ្លួនដោះស្រាយតាមផ្លូវច្បាប់ ៕
