បុរសកញ្ចាស់ល្មោភកាម រំលោភក្មេងស្រីអាយុ១២ឆ្នាំបានសម្រេចជាច្រើនដង ត្រូវសមត្ថកិច្ចចាប់ដាក់ខ្នោះបញ្ជួនទៅតុលាការ
ក្រចេះ៖ បុរសវ័យចំណាស់ល្មោភកាមម្នាក់ត្រូវកម្លាំងសមត្ថកិច្ច នៃស្នងការនគរបាល ស្រុកស្នួល ចាប់ខ្លួនតាមពាក្យបណ្ដឹងរបស់ស្ត្រីជាក្មេងស្រីរងគ្រោះ ពីបទរំលោភ សេពសន្ទវៈលើក្មេងស្រីអនិតជន
ហេតុការណ៍ចាប់ខ្លួនជនសង្ស័យនេះបានធ្វើឡើងកាលពីថ្ងៃទី៩ខែតុលាឆ្នាំ២០១៩ នៅភូមិដូនមាឃុំស្វាយជ្រៈ ស្រុកស្នួល ខេត្តក្រចេះ។
ជនសង្ស័យល្មោភកាមនេះមានឈ្មោះ នឹម ផុន អាយុ៧៥ឆ្នាំ រស់នៅភូមិដូនមា ឃុំស្វាយជ្រៈ ស្រុកស្នួល ខេត្តក្រចេះ ។
ចំណែកក្មេងស្រីរងគ្រោះទើប តែមានអាយុ១២ឆ្នាំ រស់នៅភូមិ ឃុំជាគ្នា ជាអ្នកជិតខាង ។
លោក វរសេនីយ៍ឯក ចាន់ សុខគីម អធិការនគរបាលស្រុកស្នួល បានអោយដឹងថា បន្ទាប់ពីទទួលពាក្យបណ្ដឹងពីស្ត្រីជាម្ដាយក្មេងស្រីរងគ្រោះ កម្លាំងសមត្ថកិច្ចស្រុកស្នួលធ្វើការស្រាវជ្រាវចាប់ ឃាត់ខ្លួនជនសង្ស័យយកមកធ្វើការសាកសួរ ហើយជនសង្ស័យបានសារភាពថា រូបគាត់ពិតជាបានធ្វើសកម្មភាពចាប់រំលោភ លើក្មេងស្រីរងគ្រោះ បានសម្រេចជាច្រើនដងពិតមែន ។
លោកអធិការបន្តថា ករណីនេះជនសង្ស័យបានធ្វើសកម្មភាពយូហើយតែទើបតែបែកធ្លាយ ។
បច្ចុប្បន្ន ជនសង្ស័យត្រូវបានសមត្ថកិច្ចកសាងសំណុំរឿងដើម្បីបញ្ជួនទៅតុលាការចាត់ការបន្តតាមនិតិវិធីច្បាប់ ៕
