ជិះម៉ូតូលឿនមិនប្រយ័ត្នជ្រុលទៅបុករថយន្តឈប់ស្តុបពីក្រោយស្លាប់គួរឲ្យសង្វេក

ភ្នំពេញ ៖ រន្ធត់ណាស់! យុវជនម្នាក់បានស្លាប់បាត់បង់ជីវិត​ គួរឲ្យអាណោច​ អធម៌​ និងម្នា​ក់​ទៀត​រងរបួសស្រាល ខណៈជិះម៉ូតូលឿនមិនប្រយត្ន័ក៏ជ្រុលទៅ​បុករថយន្តកុងទីន័រ​ ពី​ក្រោយ​ ​៖​ ហេតុការណ៍គ្រោះថ្នាក់ចរាចរណ៍​នេះបានកើត​ឡើងកាលពីវេលាម៉ោង១០ និង​៣០នាទីយប់ថ្ងៃទី១០ខែតុលាឆ្នាំ២០១៩​ នៅ​តាម​បណ្ដោយផ្លូវ២៧១ កែងនិងផ្លូវ៣៧១ ក្នុងសង្កាត់ផ្សារដើមថ្កូវ ខណ្ឌចំការមន ។

សពជនរងគ្រោះមានឈ្មោះ គឹម សីហា ភេទប្រុស អាយុ២២ឆ្នាំ មុខរបធ្វើការក្នុងតារាងបាល់ទាត់ នៅផ្លូវ៦០ម៉ែត្រ​ ស្នាក់នៅភូមិជីសាក់ សង្កាត់ ចោមចៅទី៣ ខណ្ឌពោធិ៍សែនជ័យ​ និងមានស្រុកកំណើត ភូមិអូរបុិ​ ឃុំជយោ ស្រុកចំការលើ ខេត្តកំពង់ចាម។ ចំណែកម្នាក់ទៀតរបួសស្រាលមានឈ្មោះ ពាង ចំរើន ភេទប្រុស អាយុ២៥ឆ្នាំមុខរបរ​បុគ្គលិក អចលនៈទ្រព្យ ស្នាក់នៅផ្ទះលេខ​61E1 ផ្លូវ63 សង្កាត់បឹងកេងកងទី១ ខណ្ឌ​បឹងកេងកង។
ដោយឡែកអ្នកបើកបរ​ រថយន្តមានឈ្មោះ ភាព រ៉ាវី ភេទប្រុស អាយុ២៣ឆ្នាំ ស្នាក់នៅកំពង់ផែរ កែវផុស ភូមិកែវផុស ឃុំកែវផុស ស្រុកស្ទឹងហាវ ខេត្តព្រះសីហនុ មានស្រុកកំណើត​ ភូមិពង្រ សង្កាត់កណ្តោល​ដុំក្រុងច្បារមន ខេត្តកំពង់ស្ពឺ ។

បើតាមប្រភពព័ត៌មានពីកន្លែងកើតហេតុ​បានឲ្យ​ដឹងថា​ មុនពេលកើតហេតុ​ គេឃើញ​ យុវ​ជ​ន​​​​២នាក់ជិះម៉ូតូ​ និចពណ៌ស ពាក់ស្លាក​លេខ​ភ្នំពេញ1CU-4351ធ្វើដំណើរតាមបណ្ដោយ​ផ្លូវ២៧១ ទិសដៅពីកើតទៅលិចក្នុង​ល្បឿនលឿន​ ខណៈមកដល់ចំណុចកើត​ហេតុ​បានជ្រុលទៅបុកពីក្រោយ​ រថយន្តកុងទីន័រ ពណ៌លឿង ពាក់ស្លាកលេខព្រះស៊ីហនុ​4A-2349 ដែលកំពុងឈប់ស្តុប​ ទិសដៅ​ស្របគ្នា​ បណ្ដាលឲ្យបោកក្បាលស្លាប់ភ្លាមៗ​និងម្នាក់ទៀតរង របួសស្រាល ។
ប្រភពបន្តថា​ បន្ទាប់ពីកើតហេតុភ្លាមៗរថយន្តកុងទីន័រ​ មិនព្រមឈប់នោះទេបានព្យាយាមបើករត់តាមបណ្ដោយផ្លូវ៣៧១បានប្រហែល​២០០​ម៉ែត្រត្រូវបានសមត្ថកិច្ចឃាត់រថយន្តរួមទាំងតៃកុង​បញ្ជូនទៅប៉ុស្តិ៏ផ្សារដើមថ្កូវដើម្បីសួរនាំ។

ក្រោយកើតហេតុសមត្ថកិច្ច​ ជំនាញវាស់វែង​យករថយន្តបង្ករនិងតៃកុងទៅការិយាល័យ​ចរាចរណ៏ផ្លូវគោក​ រាធានីភ្នំពេញចាត់តាមផ្លវច្បាប់។
ចំណែកសពជនរងគ្រោះក្រោយពីធ្វើកំណត់​ហេតុរួចសមត្ថកិច្ចប្រគល់ឲ្យក្រុមគ្រួសារដឹកយកទៅដំកល់នៅវត្តពោធិ៏ចិនតុងធ្វើបុណ្យតាមប្រពៃណី៕