គួរឲ្យរន្ធត់! បាក់អន្ទាជណ្ដើរយន្តក្នុងការដ្ឋានសំណងខុនដូរសង្កត់បុរស៣នាក់ស្លាប់យ៉ាងអាណោចអធម៌
ភ្នំពេញ៖ បុរស៣នាក់ត្រូវជណ្ដើរយន្តនៅក្នុងការដ្ឋានសំណង់ខុនដូរ កំពុងសាងសង់មួយកន្លែង បាក់ធ្លាក់សង្កត់កប់ ក្នុងផ្ទាំងថ្ម ស្លាប់យ៉ាង អាណោចអធម៌
ហេតុការណ៍គួរឲ្យរន្ធត់នេះបានបង្ករការភ្ញាក់ផ្អើលកាលវេលាម៉ោ០៨និង១០នាទីយប់ថ្ងៃទី១៣ ខែតុលាឆ្នាំ២០១៩ នៅក្នុងការដ្ឋានកំពុងសាងសងមួយកន្លែងក្បែរសណ្ឋាគាហូលីដេតាមបណ្ដោយផ្លូវ៦៥ ក្នុងសង្កាត់ស្រះចកខណ្ឌដូនពេញ ។
សាច់ញាតិជនរងគ្រោះបានឲ្យដឹងថា សពបុរសទាំង៣នាក់រួមមាន៖ ទី១-មានឈ្មោះ សុខ សម្បត្តិ ភេទប្រុសអាយុ២១ឆ្នាំមុខរបជាងជណ្ដើរយន្ត ស្នាក់ក្នុងការដ្ឋានកើតហេតុ និងមានស្រុកកំណើត ភូមិតាធាវ ឃុំជ័យ ស្រុកកំពង់ស្វាយខេត្តកំពង់ធំ។
ទី២-ឈ្មោះ យ៉ែម ទីន ភេទប្រុស អាយុ៣៥ឆ្នាំ មុខរបជាងតំឡើងជណ្ដើរយន្តស្នាក់នៅក្នុងការដ្ឋាន មានស្រុកកំណើត ភូមិទន្លេរស ឃុំត្រពាំងព្រះ ស្រុកព្រៃឈរខេត្តកំពង់ចាម។ ទី៣-ឈ្មោះ ធីម ធីរ៉ង ភេទប្រុស អាយុ៣១ឆ្នាំ មុខរបជាងតំឡើងជណ្ដើរយន្ត មានស្រុកកំណើត ភូមិត្រពាងបី ឃុំបារាយ ស្រុកបារាយ ខេត្តកំពង់ធំ ។
យោងតាមប្រភពពីកម្មករម្នាក់បានឲ្យដឹងថា ជនរងគ្រោះទាំងបីនាក់ធ្វើការផ្នែកតំឡើងជណ្ដើរយន្តតែបានបាត់ពួកគាត់មិនឃើញតាំងពីយប់ថ្ងៃទី១២មកម្លេះ គ្មាន នណាម្នាក់ដឹងថាបាក់អន្ទានោះទេ ហើយក៏មិនដឹងថា ពួកគាត់តំឡើងជណ្ដើរយន្តតាំងពីម៉ោងប៉ុន្មាននោះដែរ ទើបតែមានការភ្ញាក់ផ្អើលនៅម៉ោង៨ និង១០នាទីយប់ ខណៈដែលពួកគាត់បានគាស់សង្ក័សីដែលបាំងជណ្ដើរយន្តស្រាប់តែឃើញជើងបុរសម្នាក់ឡើងលើក្បាលកប់និងថ្ម លិចបាត់ ភ្លាមៗពួកក៏បានរាយការណ៍ទៅ សមត្ថកិច្ចមូលដ្ឋានចុះមកពិនិត្យ នៅនិងកន្លែងកើតហេតុ ។
ក្រោយមកសមត្ថកិច្ចជំនាញបានមកធ្វើការកាយថ្មដើម្បីយកសពជនរងគ្រោះទាំង៣នាក់មកធ្វើកោសល្យវិច័យនិងកំណត់ហេតុរួចទើបប្រគល់ឲ្យក្រុមគ្រួសារយកទៅស្រុកកំណើតធ្វើបុណ្យតាមប្រពៃណ៕
