ជិះទូកត្នោះទៅបេះផ្កាស្នោ២នាក់ពូក្មួយលិចទូកស្លាប់ទាំង២នាក់គួរឲ្យសង្វេក
ភ្នំពេញ៖ បុរសម្នាក់នាំក្មួយជិះទូកត្នោតទៅបេះផ្កាស្នោ អកុសលលិចទូកលង់ស្លាប់ទាំង២នាក់ គួរឲ្យអាណោចអធម៌
ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង០៨នឹង០០នាទីព្រឹកថ្ងៃទី ១៥ខែតុលាឆ្នាំ២០១៩ នៅចំណុចអូរក្រៅ ភូមិកោះដាច់ សង្កាត់កោះដាច់ ខណ្ឌជ្រោយចង្វារ ។
សមត្ថកិច្ចឱ្យដឹងថា ជនរងគ្រោះទី១មានឈ្មោះ ចយ សម្ផស្សភេទប្រុសអាយុ ២៥ឆ្នាំមុខរបរកសិករ និងទី២ឈ្មោះ ដន រិទ្ធ ភេទប្រុសអាយុ៦ឆ្នាំមុខរបរជាសិស្ស អ្នកទាំង២ជាឪពុកមានិងក្មួយ រស់នៅក្បែរទីតាំងកើតហេតុ។
បើតាមប្រភពព័ត៌មានបានឲ្យដឹងថា មុនពេលកើតហេតុជនរងគ្រោះ ឪពុកមានិងក្មួយបាននាំគ្នា ជិះទូកត្នោត បំណងទៅបេះផ្កាស្នោនៅរណ្តៅដែលគេជីកដីលក់នៅអូរក្រៅ ខាងក្រោយផ្ទះ ប៉ុន្តែដោយសារទឹកជ្រៅ មិនទាន់បានបេះផងក៏ស្រាប់តែក្រឡាប់ទូកលិចបណ្ដាលឲ្យលង់ស្លាប់ទាំង ២នាក់យ៉ាងអាណោចអធម ។
ប្រភពបន្តថា ភ្លាមៗអ្នកភូមិ ក៏នាំគ្នាទៅជួយស្រង់ដើម្បី សង្គ្រោះប៉ុន្តែ ជាអកុសលជនរងគ្រោះទាំង២នាក់បានដាច់ខ្យល់ស្លាប់បាត់ទៅហើយ ។
ក្រោយកើតហេតុសមត្ថកិច្ចជំនាញបានទៅពិនិត្យនិងធ្វើកោសល្យវិច័យរួចបានបញ្ជាក់ថាជនរងគ្រោះទាំង២នាក់ពិតជាស្លាប់ដោយសារលង់ទឹកពិតប្រាកដមែន ហើយបានធ្វើកំណត់ហេតុប្រគល់សពទៅឲ្យក្រុមគ្រួសារយកធ្វើបុណ្យតាមប្រពៃណី៕
