រន្ធត់ណាស់! ជិះម៉ូតូឌុបគ្នាឆ្លងផ្លូវត្រូវរថយន្តតាកូម៉ា បុកស្លាប់ទាំង៣នាក់

ភ្នំពេញ៖ យុវជន៣នាក់ស្លាប់យ៉ាងអាណោចអាធម៌ ខណៈជិះម៉ូតូនិចមួយគ្រឿងឌុបគ្នាឆ្លងផ្លូវ ត្រូវរថយន្តតាកូម៉ា បុកពេញទំហឹង គាបជាប់ អូសជា ច្រើន ម៉ែត្រ
ហេតុការណ៍គ្រោះថ្នាក់ចរាចរណ៍ដ៏រន្ធត់នេះ បានកើតឡើងកាលពីវេលាម៉ោង០១និង៣០ នាទីរំលងអាធ្រាត្រចូលថ្ងៃទី១៦ខែតុលា ឆ្នាំ២០១៩ នៅចំណុច មុខ ការ៉ាស់សាំងptt តាម បណ្តោយផ្លូវជាតិលេខ(៦A )ក្នុងសង្កាត់ជ្រោយចង្វារ ខណ្ឌជ្រោយចង្វារ ។

សពយុវជនរងគ្រោះទាំង៣នាក់មិនទាន់ស្គាល់អត្តសញ្ញាណនៅឡើយទេ ។

បើតាមប្រភពព័ត៌មាននៅកន្លែងកើតហេតុ បានឲ្យដឹងថា មុនកើតហេតុគេបានឃើញ យុវជនរងគ្រោះទាំង៣ នាក់ជិះម៉ូតូ១គ្រឿង ម៉ាកស៊ុយស៊ូគី និច ពណ៌ក្រហម លាយស ពាក់ស្លាកលេខ ភ្នំពេញ1CD-1056 ជិះឌុបគ្នាតាមបណ្ដោយផ្លូវបេ តុង ចេញពីម្ដុំរង្វង់មូលនាងមច្ឆា ទិសដៅពី លិចទៅកើត ខណៈ មក ដល់ចំណុចកើតហេតុ បានឆ្លងផ្លូវជាតិលេខ (៦A ) លុះឆ្លងបាន បន្តិចស្រាប់តែមានរថយន្ត តូយ៉ូតា មួយ គ្រឿងពណ៌ស ពាក់ស្លាកលេខ ភ្នំពេញ 2D-9447 បើកបរដោយបុរសម្នាក់ ធ្វើដំណើរតាមបណ្តោយផ្លូវជាតិលេខ (៦A) ទិសដៅពីជើងទៅត្បូង ខណៈដល់ចំណុច កើត ហេតុមិនប្រយត្ន័ក៏បានបុក ម៉ូតូ ចំពាក់ កណ្តាល ពេញទំហឹង ធ្វើឲ្យយុវជនម្នាក់ខ្ទាតចេញ ចំណែក២នាក់ ទៀតគាបជាប់ ម៉ូតូនិង រថយន្ត អូស ប្រហែល ៥០ម៉ែត្របណ្ដាលឲ្យស្លាប់ភ្លាមៗទាំង៣ នាក់គួរឲ្យរន្ធត់ ។
ប្រភពដ៏ដែលបានបន្តថា បន្ទាប់ពីកើតហេតុ ភ្លាមៗអ្នកបើករថយន្តបង្កត្រូវបាន ប្រជាពល រដ្ឋចាប់ឃាត់ខ្លួនទុកប្រគល់ឲ្យសមត្ដកិច្ច។

ក្រោយពេលកើតហេតុសមត្ថកិច្ចមូលដ្ឋាននិងជំនាញបានចុះមកធ្វើការវាស់វែងយក រថយន្តនិងម៉ូតូទៅរក្សាទុកនៅការិយាល័យ ចរាចរណ៍ផ្លូវគោក រាជធានី ភ្នំពេញដើម្បីកសាង សំណុំរឿងចាត់ការបន្តតាមផ្លូវច្បាប់ ។ ដោយឡែកសពយុវជនរងគ្រោះទាំង៣នាក់ ត្រូវបានសមត្ថកិច្ចទាក់ទងទៅសាច់ញាតិឲ្យមក ទទួលយកទៅធ្វើបុណ្យតាមប្រពៃណី៕