រថយន្តក្រឡុកសុីម៉ង់ក្រុមហ៊ុន ជីបម៉ុង បត់ឆ្វេងកៀម៉ូតូ បណ្ដាលឲ្យយុវជន២នាក់រងរបួសធ្ងន់និងស្រាល
ភ្នំពេញ៖ យុវជន២នាក់ត្រូវបានរថយន្តសាមុយ៧១១ដឹកយកទៅសង្គ្រោះ ខណៈជិះម៉ូតូឌុបគ្នាត្រូវរថយន្តក្រឡុកសុីម៉ង់ បើកបត់ឆ្វេងកៀបណ្ដាលអោយដួលរងរបួសធ្ងន់និងស្រាល
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២និង២០នាទីរសៀលថ្ងៃទី១៧ខែតុលាឆ្នាំ២០១៩ នៅតាមបណ្ដោយផ្លូវជាតិលេខ៣ មុខក្លោងទ្វារវត្តអង្គតាគៀត ភូមិអង្គតាគៀត សង្កាត់កន្ទោក ខណ្ឌកំបូល ។
យុវជនដែលរបួសធ្ងន់ធ្ងរមានឈ្មោះ នួន នុន ភេទប្រុស អាយុ១៨ឆ្នាំមុខរបរ បើកគ្រឿងចក្រ មានទីលំនៅភូមិព្រែកយាយហុិន១ ឃុំឫស្សីជ្រោយស្រុកមុខកំពូលខេត្តកណ្តាល ។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនកើតហេតុ គេឃើញរថយន្តក្រឡុកសុីម៉ង់ ពណ៌ស ពាក់ស្លាកលេខភ្នំពេញ5A-1161 បើកបរដោយបុរសម្នាក់ធ្វើដំណើរតាមបណ្ដោយផ្លូវជាតិលេខ៣ទិសដៅពីត្បូងទៅជើងខណៈមកដល់ចំណុច កើតហេតុ បានបត់ឆ្វេងបំណងឆ្លងផ្លូវមិនបានប្រយត្ន័ក៏កៀម៉ូតូមួយគ្រឿងម៉ាកស្មាក់វី ពណ៌ខ្មៅពាក់ស្លាកលេខ ភ្នំពេញ1AV-3727បើកស្របទិស ដែលវ៉ាខាងឆ្វេង រថយន្តបណ្ដាលឲ្យយុវជន២នាក់រងរបួសធ្ងន់និងស្រាល ។
ប្រភពបន្តថា បន្ទាប់ពីកើតហេតុភ្លាមៗយុវជនរងគ្រោះដែលរបួសធ្ងន់ម្នាក់ត្រូវបានរថយន្តសង្គ្រោះរបស់អង្គភាព៧១១ ដឹកទៅសង្គ្រោះនៅមន្ទីរពេទ្យព្រះកុសុមៈ ហៅពេទ្យ(លោកសង្ឃ) ។
ដោយឡែករថយន្តបង្កនិងម៉ូតូរងគ្រោះត្រូវបានសមត្ថកិច្ច វាស់វែង យកទៅរក្សាទុកនៅអធិការដ្ឋាននគរបាល ខណ្ឌកំបូលរងចាំដោះស្រាយពេលក្រោយ ៕
