រន្ធត់ណាស់! ជិះម៉ូតូឌុបគ្នាដួលខ្ទាតចូលក្រោម កង់រថយន្ត កិនស្លាប់ទាំង២នាក់យ៉ាងអាណោចអធម៌
ភ្នំពេញ៖ យុវជនប្រុសស្រី២នាក់សង្ស័យជិះម៉ូតូទាក់ ដៃចង្កូតគ្នាបណ្តាលអោយដួលខ្ទាត់ចូលក្រោមកង់រថយន្ត កុងតឺន័រកិនស្លាប់គួរឲ្យអាណោចអធម៌
ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងកាលពីវេលាម៉ោង០៧ និង១៥នាទីយប់ថ្ងៃទី២០ខែតុលាឆ្នាំ២០១៩ នៅតាមបណ្ដោយផ្លូវវេងស្រេង ក្បែរស្តុប ទួលពង្រសង្កាត់ចោមចៅទី១ ខណ្ឌពោធិ៏សែនជ័យ។
សពរងគ្រោះទី១-មានឈ្មោះ ហ៊ន់ គឹមហេង ភេទប្រុស អាយុ២១ឆ្នាំ ជនជាតិខ្មែរ មុខរបរ សន្តិសុខ ឯកជន ស្នាក់នៅបន្ទប់ជួល ជិតសង្កាត់ចោមចៅទី១ ខណ្ឌពោធិ៏សែនជ័យ និងមានស្រុកកំណើត ភូមិប៉ាក់ព្រី ឃុំបឹងដោល ស្រុកព្រះស្តេច ខេត្តព្រៃវែង ។
ទី២- ឈ្មោះ ខេង លក្ខណា ភេទស្រី អាយុ ១៩ឆ្នាំ ជនជាតិខ្មែរ ស្នាក់នៅផ្ទះលេខ២៤៤ ផ្លូវលំ សាមគ្គី ឃុំស្វាយភ្លោះ ស្រុកពាមជរ ខេត្តព្រៃវែង ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញ យុវជនប្រុសស្រី២នាក់ជិះម៉ូតូមួយគ្រឿងម៉ាក ហុងដា ប៊ិត ពាក់ស្លាកលេខភ្នំពេញ1HO-5624 បើកដោយយុវជនម្នាក់ឌុបនារីម្នាក់ទៀត ធ្វើដំណើរតាមបណ្តោយផ្លូវ វេងស្រេង ទិសដៅពីកើតទៅលិច ខណៈមកដល់ចំណុចកើតហេតុ សង្ស័យទាក់ដៃចង្កូតម៉ូតូមួយគ្រឿងទៀត បណ្ដាលឲ្យដួលខ្ទាតចូលក្រោមកង់រថយន្ត កុងតឺន័រ ខាងក្រោយកិន ស្លាប់ភ្លាមៗទាំងពីរនាក់គួរឲ្យរន្ធត់ ចំណែករថយន្តកុងតឺន័រ ដឹងថា កិនមនុស្សស្លាប់ បើកគេចបាត់ស្រមោល ។
ក្រោយកើតហេតុសមត្ថកិច្ច ជំនាញវាស់វែងយកម៉ូតូរងគ្រោះទៅរក្សាទុកនៅអធិការដ្ឋានខណ្ឌពោធិ៏សែនជ័យរងចាំសាច់ញាតិមកទទួលយកនៅពេលក្រោយ ។ ចំណើកសពជនរងគ្រោះទាំងពីរនាក់សមត្ថកិច្ចធ្វើកំណត់ហេតុប្រគល់អោយសាច់ញាតិយកទៅស្រុកកំណើតធ្វើបុណ្យតាមប្រពៃណី៕
