ជនសង្ស័យជាមេក្លោងជួញដូរគ្រឿងញៀនម្នាក់ត្រូវសមត្ថកិច្ចស្រុកព្រៃនប់ឃាត់ខ្លួន
ព្រះសីហនុ៖ កម្លាំងនគរបាលស្រុកព្រៃនប់ឃាត់ខ្លួនជនសង្សយ័ជាមុខសញ្ញាមេក្លោងជួញដូរគ្រឿងញៀនម្នាក់ដកហូតថ្នាំងញៀនបានជាច្រើនកញ្ចប់
ប្រតិបត្តការណ៍នេះបាន ធ្វើឡើងកាលពីរសៀល ថ្ងៃទី២១ ខែតុលា ឆ្នាំ ២០១៩ នៅ ចំណុច ភូមិសារាយ ឃុំជើងគោ ស្រុកព្រៃនប់ខេត្តព្រះសីហនុ ។
សមត្ថកិច្ចឲ្យដឹងថា ជនសង្ស័យមានឈ្មោះ ហេង ប៊ុនធឿន ភេទប្រុស អាយុ៤០ឆ្នាំ មុខរបរមិនពិតប្រាកដ មានទីលំនៅ ភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ ។
សមត្ថកិច្ចបានបន្តថា បន្ទាប់ពីឃាត់ខ្លួនជនសង្ស័យកម្លាំងជំនាញបានដកហូតវត្ថុតាងរួមមាន៖ ម្សៅថ្នាំញៀចំនួន២៧កញ្ចប់(តូច០៨កញ្ចប់ ធំ១៩កញ្ចប់)ជញ្ជីងថ្លឹងមួយគ្រឿងនិងទូរស័ព្ទដៃមួយគ្រឿង ។
បច្ចុប្បន្ន ជនសង្សយ័រួមនិងវត្ថុតាងត្រូវបានកសាងសំណុំរឿងដើម្បីចាត់ការបន្តតាមនិតិវិធីច្បាប់៕
