បុរសចំណាស់ជនជាតិចិនម្នាក់ដេកស្លាប់នៅចញ្ចើមផ្លូវបង្កការណ៍ភ្ញាក់ផ្អើលយ៉ាងខ្លាំង
ភ្នំពេញ៖ ប្រទះឃើញ បុរសជនជាតិចិនម្នាក់ដេកស្លាប់ នៅចញ្ចើមផ្លូវ ដោយមិនដឹង មូលហេតុ បានបង្កការណ៍ភ្ញាក់ផ្អើលកាលពីវេលា ម៉ោង១និង៤០នាទីរសៀលថ្ងៃទី២១ខែតុលា ឆ្នាំ២០១៩នៅតាមបណ្ដោយផ្លូវសហពន្ធ័រុស្សុី ចំណុចមុខ ព្រះវិហា ធៀន អិនមី ឡី ( មជ្ឍមណ្ឌល មហាធម៌មេត្រី-កម្ពុជា) ស្ថិតក្នុងសង្កាត់ ទឹកថ្លា ខណ្ឌសែនសុខ ។
បើយោងតាមប្រភពព័ត៌មាននៅកន្លែងកើតហេតុបានអោយដឹងថា មុនពេលកើតហេតុគេបានឃើញ បុរសជនជាតិចិនវ័យចំណាស់ម្នាក់បានជិះ ម៉ូតូកង់បីឥណ្ឌា មួយគ្រឿងមិនចាំ ស្លាកលេខ មិនដឹងថា មកពីទីណានោះទេ ខណៈមកកន្លែងកើតហេតុបានឲ្យកង់បីឈប់ រួចក៏ចុះដើរទៅដើរមក ហើយទៅអង្គុយនៅចញ្ចើមផ្លូវ ទល់មុខ មជ្ឈមណ្ឌលមហាធម៍មេត្រី_កម្ពុជា លុះមួយសន្ទុះក្រោយមកស្រាប់តែឃើញ បុរសរងគ្រោះបានដេកផ្ងារពោះក៏នាំគ្នាទៅមើល តែអកុសលបុរសរូបនោះបានដាច់ខ្យល់ស្លាប់បាត់ទៅហើយ ។
ប្រភពបន្តថា ភ្លាមៗប្រជាពលរដ្ឋ បាន រាយការណ៍ទៅសមត្ថកិច្ច មូលដ្ឋាន ចុះមកពិនិត្យ និងបានទំនាក់ទំនង ជំនាញ មកធ្វើកោសល្យវិច័យ រួចបានសន្ឋិដ្ឋានថា ជនរងគ្រោះស្លាប់ដោយសារខ្យល់( គ ) ។
ក្រោយពេលកើតហេតុសមត្ថកិច្ចមូលដ្ឋាននិងសមត្ថកិច្ច ជំនាញ បានដឹកសពបុរសរងគ្រោះយកទៅតម្កល់ នៅវត្តស្ទឹងមានជ័យរង់ចាំក្រុមគ្រួសារមកធ្វើបុណ្យតាមប្រពៃណី៕
