ជិះម៉ូតូលឿនមិនប្រយត្ន័ជ្រុលបុកគូថរថយន្តកុងតឺន៍រចតចញ្ចើមផ្លូវស្លាប់គួរឲ្យសង្វេក
ភ្នំពេញ៖ យុវជនម្នាក់ជិះម៉ូតូលឿនមិនប្រយត្ន័ជ្រុលទៅបុករថយន្តកុងតឺន័រចតនៅចញ្ចើមផ្លូវ ពីក្រោយពេញទំហឹងបណ្ដាលឲ្យបោកក្បាលស្លាប់ យ៉ាងអាណោចអាធ័ម។
គ្រោះថ្នាក់ចរាចរណ៍ដ៏រន្ធត់នេះកើតឡើងកាលពីវេលាម៉ោង១០និង៤០នាទីយប់ថ្ងៃទី ២២ ខែតុលាឆ្នាំ ២០១៩ នៅតាមបណ្ដោយផ្លូវ ៣០ម៉ែត្រក្នុងសង្កាត់ស្ទឹងមានជ័យ៣ ខណ្ឌមានជ័យ ។
សពជនរងគ្រោះមានឈ្មោះ ម៉ែន រ៉ានីន ភេទប្រុសអាយុ១៩ឆ្នាំ មុខរបរបុគ្គលិក ក្រុមហ៊ុន Metfone រស់នៅផ្ទះគ្មានលេខ ផ្លូវលំ ភូមិម័ល សង្កាត់ដង្កោ ខណ្ឌដង្កោ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តកុងតឺន័រមួយគ្រឿងម៉ាក់FOSOក្បាលពណ៌ខៀវពាក់ស្លាកលេខភ្នំពេញ3A-7587 បានបើកមកចតនៅចំណីផ្លូវ ចំណុចកើតហេតុ ទិសដៅត្បូងជើងដោយមិនបានដាក់សញ្ញាសម្គាល់ឲ្យបានត្រឹមត្រូវ នោះទេ លុះមកដល់ម៉ោងកើតហេតុ ស្រាប់តែមានយុវជនម្នាក់ជិះម៉ូតូមួយគ្រឿងម៉ាកស្មាក់វី ពណ៌ខ្មៅពាក់ស្លាកលេខភ្នំពេញ1-DH-3149ធ្វើដំណើរទិសដៅពីត្បូងទៅជើង ខណៈមកដល់កន្លែងកើតហេតុជ្រុលទៅបុករថយន្តកុងទីន័រពីក្រោយផ្នែកខាងឆ្វេងពេញទំហឹងបោកក្បាលនិងទូកុងតឺន័រ ស្លាប់យ៉ាងអាណោចអាអាធម៌។
ក្រោយកើតហេតុសមត្ថកិច្ចជំនាញមកធ្វើការ វាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ ដើម្បីចាត់ការតាមផ្លូវច្បាប់ ។ ចំណែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕
