បើករថយន្តបត់ឆ្លងផ្លូវមិនប្រយ័ត្នជ្រុលបុកម៉ូតូបណ្តាលឲ្យរងរបួសធ្ងន់ស្រាល២នាក់
កណ្តាល៖ បុរសម្នាក់បើករថយន្តកាមរីបត់ឆ្លងផ្លូវមិនបានប្រុងប្រយ័ត្នជ្រុលទៅបុកម៉ូតូPCXមួយគ្រឿងបណ្ដាលឲ្យដួលរងរបួសធ្ងន់ និងស្រាល មនុស្សប្រុសស្រី២នាក់
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៦និង៣០នាទីថ្ងៃទី២៣ខែតុលាឆ្នាំ២០១៩ នៅតាមបណ្ដោយផ្លូវជាតិលេខ១ ចន្លោះគីឡូម៉ែត្រលេខ២៦-២៧ ភូមិស្តៅកន្លែង៤ ឃុំដីឥដ្ឋ ស្រុកកៀនស្វាយ ខេត្តកណ្តាល។
បើតាមប្រភពនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាក ACMRY ពណ៍ប្រផេស ១គ្រឿង ពាក់ស្លាកលេខភ្នំពេញ2E-9532 បើកបរដោយបុរសម្នាក់ ធ្វើដំណើរតាមបណ្ដោយផ្លូវជាតិលេខ១ ទិសដៅពីភ្នំពេញ=អ្នកលឿង ខណៈមកដល់ចំណុចកើតហេតុខាងលើក៍បត់ឆ្លងផ្លូវ ពីជើងទៅត្បូងមិនប្រយត្ន័ក៏ជ្រុលទៅបុកម៉ូតូ០១គ្រឿងម៉ាកPCXពណ៍ស ពាក់ស្លាកលេខភ្នំពេញ1CP-6762 ជិះដោយបុរសស្ត្រី២នាក់បណ្ដាលឲ្យដួលរបួសធ្ងន់នារីម្នាក់និងបុរសជាអ្នកបើកម៉ូុតូរងរបួសស្រាល ។ ចំណែកបើករថយន្ត បន្ទាប់ពីបង្កហេតុបានរត់គេចខ្លួនបាត់ ។
ក្រោយពេលកើតហេតុសមត្ថកិច្ចបានធ្វើការវាស់វែងយករថយន្តបង្កនិងម៉ូតូទៅរក្សាទុកនៅ អធិការស្រុកកៀនស្វាយ រងចាំដោះស្រាយនៅពេលក្រោយ ៕
