នគរបាលបង្ក្រាបទីតាំងម៉ាស្សា បម្រើសេវាផ្លូវភេទ២កន្លែងជាប់គ្នាឃាត់ខ្លួនថៅកែ២នាក់
ភ្នំពេញ៖ កម្លាំងសមត្ថកិច្ចនាយកដ្ឋានជួញដូរមនុស្ស និងការពារអនិតិជន នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខណ្ឌមានជ័យ បានចុះបង្ក្រាប ទីតាំងម៉ាស្សា កោសជប់ យីហោ «ម៉ាស្សា & កោសជប់ 72 និង ម៉ាស្សាកោសជប់៩៩៩ »ចំនួន២ទីតាំងជាប់គ្នា ដែលលួចបង្កប់ បម្រើសេវាផ្លូវភេទដោយឃាត់ខ្លួនថៅកែវស្រីជាជនជាតិវៀមណាម ២នាក់ និងជួយរដោះក្មេងស្រីរងគ្រោះ៥នាក់ ។
ប្រតិបត្ដិការណ៍នេះធ្វើឡើងកាលពីវេលាម៉ោង០៤និង២០នាទីល្ងាចថ្ងៃទី២៨ ខែតុលា ឆ្នាំ២០១៩ ដែលមានទីតាំងស្ថិតនៅចំណុចផ្ទះលេខ៥៨២ តាមបណ្ដោយផ្លូវជាតិលេខ២ ភូមិទួលរកា សង្កាត់ចាក់អង្រែក្រោម ខណ្ឌមានជ័យ ដោយមានការសម្រប សម្រួលពីលោកស្រី ស៊ឺ វណ្ណនី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ។
សមត្ថកិច្ចបានឲ្យដឹងថា ប្រតិបត្តការណ៍នេះកម្លាំងជំនាញ ឃាត់ខ្លួនស្ដ្រី ជាថៅកែ ហាង ជនជាតិវៀតណាម២នាក់ ៖ ទី១ឈ្មោះ ចាន់ ធីរ៉េ ភេទស្រី អាយុ៤៦ឆ្នាំជនជាតិវៀតណាម មុខរបរ ថៅកែហាង យីហោ « ៩៩៩» ស្នាក់នៅកន្លែងឃាត់ខ្លួន / ទីឈ្មោះ វៀង ជីហាយ ភេទស្រី អាយុ៤៩ឆ្នាំ ជនជាតិវៀតណាម មុខរបរ ថៅកែហាង យីហោ«ម៉ាស្សា & កោសជប់ 72» ស្នាក់នៅកន្លែងឃាត់ខ្លួន ។ ចំពោះសម្ភារៈដកហូតរួមមាន ស្រោមអនាម័យប្រើរួច និង មិនទាន់ប្រើមួយចំនួនធំ និង សៀវភៅកត់ត្រាភ្ញៀចេញចូលចំនួន២ ក្បាល ។
ក្រោយប្រតិបត្ដិការកម្លាំងនាយកដ្ឋានការជួញដូរមនុស្ស និងការពារអនិតិជន នៃស្នងការដ្ឋាននគរបាលរាជធានីភ្នំពេញបាននាំខ្លួួនស្ត្រី ជាថៅកែហាង២ នាក់ និងក្មេងស្រីរងគ្រោះ៥នាក់ទៀតយកទៅកាន់ការិយាល័យនាយកដ្ឋានការជួញដូរមនុស្ស និងការពារអនិតិជន ដើម្បីសួរនាំបន្ថែមនិងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការបន្ដតាមនីតិវិធច្បាប់ ៕
