ជួយចែករំលែកបន្តផង! សូមប្រយត្ន័កុំលេងទូរសព្ទ័ពេលកំពុងសាកថ្ម ! អាសូរ! នារីម្នាក់សាកថ្មទូរសព្ទ័ បណ្តើរ ស្តាប់កាសបណ្តើរឆ្លងចរន្តអគ្គិសនីឆក់ស្លាប់យ៉ាងអាណោចអធម៌
ខេត្តកណ្តាល៖ នារីជាកម្មការនីរោងចក្រម្នាក់ ដោតព្រីភ្លើង សាកថ្មទូរសព្ទ័រួចដាក់កាសស្ដាប់ បណ្ដាលឲ្យឆ្លងចរន្តអគ្គិសនីឆក់ ស្លាប់យ៉ាងអាណោចអាធម៌ នៅក្នុងបន្ទប់ផ្ទះជួល
ហេតុការណ៍នេះបាន បង្កឲ្យមានការភ្ញាក់ផ្អើល កាលវេលាម៉ោង៨និង០០នាទីព្រឹកថ្ងៃទី០១ខែវិច្ឆិកាឆ្នាំ២០១៩ នៅចំណុចផ្ទះជួល ភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល ។
សមត្ថកិច្ចបានឲ្យដឹងថាសពស្ត្រីរងគ្រោះមានឈ្មោះ អាន សុខណា អាយុ៣៣ឆ្នាំ មុខរបរជាកម្មការនីរោងចក្រ មានស្រុកកំណើត ឃុំប្រាសាទ ស្រុកស្អាង ខេត្តកណ្តាល ។
បើតាមប្រភពព័ត៌មានពីស្ត្រីម្នាក់ឈ្មោះ សុខ ផាន្នី អាយុ៣៤ឆ្នាំ ដែលជាអ្នកធ្វើការជាមួយជនរងគ្រោះបានឲ្យដឹងថា នៅព្រឹកថ្ងៃទី១ខែវិច្ឆិកាឆ្នាំ២០១៩ វេលាម៉ោង០៧និង០០នាទីមិន ឃើញឈ្មោះ អាន សុខណា ទៅធ្វើការ ដូចសព្វដង ខ្លួនក៏បានខលទៅជាងធ្វើម៉ូតូដែលនៅជិតឲ្យទៅជួយមើលបន្ទប់ជួលរបស់ជនរងគ្រោះ លុះទៅដល់បន្ទប់ជនរងគ្រោះ ជាងម៉ូតូបានប្រាប់ថា ឃើញបិទទ្វារនិងបង្អួច ចាក់គន្លឹះខាងក្នុង ហើយគោះទ្វារហៅ អត់លឺសូរឆ្លើយ។ បន្ទាប់មកនាងក៏បានបបួលអ្នកធ្វើការនៅរោងចក្រនាំគ្នាទៅជួយមើល ។
ប្រភពបន្តថា ខណៈពេលមកដល់ ទាញបង្អួច ដកគន្លឹះ លូកដៃទាញគន្លឹះទ្វារបើក ស្រាប់តែឃើញជនរងគ្រោះដេក ដាស់ក៏មិនងើប និងឃើញមានកាសជាប់នឹងត្រចៀក ឯទូរសព្ទ័ ដោតសាកថ្មជាប់នឹងព្រីភ្លើង ដោយមានការសង្ស័យក៏បិទឌីសង់ទ័រភ្លើង ប៉ុន្តែជនរងគ្រោះបានស្លាប់បាត់ទៅហើយ ភ្លាមៗនោះគាត់ក៏បានរាយការណ៍ទៅសមត្ថកិច្ចមូលដ្ឋានឲ្យចុះពិនិត្យនៅកន្លែងកើតហេតុ ។
ក្រោយមកសមត្ថកិច្ចមូលដ្ឋាននិងសមត្ថកិច្ចបានចុះមកពិនិត្យនិងធ្វើកោសល្យវិច័យបាន សន្និដ្ឋានថា ស្ត្រីរងគ្រោះស្លាប់ដោយសារតែ ឆ្លងចរន្តអគ្គិសនី តាមរយៈការសាកថ្មទូរសព្ទ័ បណ្តើរ ស្តាប់កាសបណ្តើរ បណ្ដាលឲ្យឆក់ស្លាប់តែម្ដង ។ បន្ទាប់មកសមត្ថកិច្ចបានធ្វើកំណត់ប្រគល់សពជនរងគ្រោះឲ្យទៅសាច់ញាតិយកទៅធ្វើបុណ្យតាមប្រពៃណី ៕
