សាហាវណាស់! រថយន្ត២គ្រឿងបុកគ្នាលឺដូចរន្ទះ មួយខ្ទាតចូលផ្ទះមួយទៀតរេចង្កូតបុកជញ្ជាំងផ្ទះរបួស២នាក់
ភ្នំពេញ៖ រថយន្ត២គ្រឿងបុកគ្នាពេញទំហឹងមួយខ្ទាតចូលផ្ទះប្រជាពលរដ្ឋ មួយទៀតរេចង្កូតទៅបុកជញ្ជាំងផ្ទះ បណ្ដាលឲ្យមានមនុស្សរងរបួស២នាក់
គ្រោះថ្នាក់ចរាចរណ៍នេះកើតឡើងកាលពីវេលាម៉ោង២រំលងអាធ្រាត្រចូលថ្ងៃទី០៤ខែវិច្ឆិកាឆ្នាំ២០១៩ នៅតាមបណ្តោយផ្លូវ៣១០កែងនិងផ្លូវ២០៥ សង្កាត់ទួលស្វាយព្រៃទី២ ខណ្ឌបឹងកែងកង។
បើតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេរថយន្តស្តារុិច មួយគ្រឿងពណ៌ទឹកប្រាក់ ពាក់ស្លាកលេខភ្នំពេញ2AV-9486 បើកបរដោយ បុរស ជនជាតិខ្មែរម្នាក់ និងមានអ្នករួមដំណើរ ប្រុសស្រីជាជនជាតិចិន ៣នាក់ទៀត ដោយធ្វើដំណើរតាមបណ្ដោយផ្លូវ៣១០ទិសដៅពីកើតទៅលិច ក្នុងល្បឿនយ៉ាងលឿន ខណៈមកដល់ចំណុចកើតហេតុផ្លូវបែកជបួនមិនប្រុងប្រយត្ន័ ក៏ជ្រុលទៅបុករថយន្ត ព្រួស ពណ៌ទឹកសមុទ្រពាក់ស្លាក់លេខភ្នំពេញ 2BB-5475 ពេញទំហឹងប៉ើងខ្ទាតមួយចូលផ្ទះប្រជាពលរដ្ឋមួយទីបុកជញ្ជាំងផ្ទះ រងការខូចខាតទាំងសងខាង យ៉ាងដំណំ និងធ្វើឲ្យមនុស្យ២នាក់រងរបួស ។
ក្រោយពេលកើតហេតុសមត្ថកិច្ចមូលដ្ឋាននិងសមត្ថកិច្ចជំនាញចុះមក វាស់វែងយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ រងចាំ ដោះស្រាយគ្នាទៅតាមផ្លូវច្បាប់៕
