ចិនបើករថយន្តលឿនប្រយត្ន័ជ្រុលទៅបុករបាំងថ្ម ចែកទ្រូងផ្លូវក្រឡាប់ផ្ងាជើង
ភ្នំពេញ៖ ជនជាតិចិន មួយក្រុម រួមដំណើរជាមួយគ្នាបើករថយន្ត RAV4 លឿនខ្វះការប្រុងប្រយ័ត្នជ្រុលទៅបុករបាំងថ្មពុះចែកទ្រូងចែកផ្លូវបណ្តាលឲ្យក្រឡាប់ផ្ងារជើងមួយចំហៀង
ហេតុការណ៍គ្រោះថ្នាក់ចរាចរណ៍នេះបង្កការភ្ញាក់ផ្អើលកាលពីវេលាម៉ោង១២និង០៥នាទីរំលងអាធ្រាត្រឈានចូលថ្ងៃទី៥ខែ វិច្ឆិកា ឆ្នាំ២០១៩ នៅបណ្តោយផ្លូវ២៨៩កែង២៥៧ ត្រង់ចំណុចស្តប់ផ្សារទួលគោក សង្កាត់បឹងកក់២ ខណ្ឌទួលគោក រាជធានីភ្នំពេញ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា ដំបូងគេឃើញរថយន្តម៉ាកToyota RAV4 មួយគ្រឿងពណ៌ទឹកប្រាក់ ពាក់ស្លាកលេខភ្នំពេញ 2AG-7501 បើកបរដោយជនជាតិចិន និងមានធ្វើដំណើរជាក្រុម បើកតាមបណ្ដោយផ្លូវ២៨៩ ទិសដៅពីត្បូងទៅជើង ក្នុងល្បឿនយ៉ាងលឿនខណៈមកដល់ចំណុចកើតហេតុមិនប្រយត្ន័ក៏ជ្រុលរេចង្កូតទៅបុកនឹងរបាំងថ្មចែកទ្រូងផ្លូវ បណ្តាលឲ្យរថយន្តក្រឡាប់ផ្ងារជើងឡើងលើម្ខាង ធ្វើឲ្យស្ត្រី២នាក់ដែលរួមដំណើរជាមួយរងរបួសត្រូវបានបញ្ជួនទៅព្យាបាលនៅមន្ទីរពេទ្យ ចំណែករបាំងថ្មវៀចអស់មួយកង់ ។
ក្រោយពេលកើតហេតុ សមត្ថកិច្ចមូលដ្ឋាននិងជំនាញធ្វើការវាស់វែង ស្ទូចយករថយន្តទៅរក្សាទុកនៅអធិការនគរបាល ខណ្ឌទួលគោក រង់ចាំម្ចាស់រថយន្តចូលខ្លួនដោះស្រាយតាមផ្លូវច្បាប់ ៕
