សង្ស័យស្រវឹងស្រាខ្លាំងបើករថយន្តលឿនមិនប្រយត្ន័រេចង្កូតបុកបង្គោលភ្លើងបាក់មួយដើម
ភ្នំពេញ៖ បុរសម្នាក់គេស្គាល់ជាមន្ត្រីប៉ូលិស សង្ស័យស្រវឹងស្រាបើករថយន្ត បោះពួយយ៉ាងលឿនមិនប្រុងប្រយត្ន័រេចង្កូតទៅបុកបង្គោលភ្លើងបាក់១ដើម ចំណែករថយន្តបង្កកល់ជាប់ទៅមុខលែងរួច
ហេតុការណ៍នេះបានកើតឡើងកាលពីវេលាម៉ោង១១និង១០នាទីយប់ថ្ងៃទី៦ខែវិឆ្ឆិកា ឆ្នាំ២០១៩ នៅតាមបណ្ដោយផ្លូវ២៧១ ជិតវិទ្យាល័យ ជា ស៊ីម សាមគ្គី ក្នុងសង្កាត់ស្ទឹងមានជ័យ១ ខណ្ឌមានជ័យ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញ រថយន្តឡិចស៊ីសRX300 ពណ៌ខ្មៅ ពាក់ស្លាកលេខភ្នំពេញ2X-8865 បើកបរដោយបុរសម្នាក់សង្ស័យស្រវឹងស្រាធ្វើដំណើរតាម បណ្ដោយផ្លូវ២៧១ ទិសដៅពីជើងទៅត្បូង ក្នុងល្បឿន យ៉ាងលឿន លុះមកដល់ចំណុចកើតហេតុមិនប្រុងប្រយត្ន័ ក៏រេចង្កូតជ្រុលទៅបុកបង្គោលភ្លើងបំភ្លឺផ្លូវពេញទំហឹង បាក់មួយដើម ចំណែករថយន្តកល់ជាប់ទៅលែងរួច សំណាងល្អគ្មានអ្នករងរបួស ។
ក្រោយពេលកើតហេតុ សមត្ថកិច្ចមូលដ្ឋាននិងជំនាញបានចុះមកធ្វើការវាស់វែងស្ទូចយករថយន្តបង្ករទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញចាត់ការបន្តតាមច្បាប់ ៕
