នគរបាលស្រុកកោះធំឆ្មក់បង្ក្រាបទីតាំងជល់មាន់មួយកន្លែងចាប់យកម៉ូតូនិងកង់ជាច្រើនគ្រឿង
កណ្ដាល៖ កម្លាំងសមត្ថកិច្ចឆ្មក់បង្ក្រាបទីតាំង ជល់មាន់និងអាប៉ោងមួយកន្លែង ចាប់យកម៉ូតូកង់និងសម្ភារៈលេងល្បែង០១ចំនួន ចំណែកអ្នកញៀនល្បែងរត់គេចខ្លួនបាត់អស់
ប្រតិបត្តិការណ៍បង្ក្រាបនេះធ្វើឡើងកាលពីវេលាម៉ោង១និង១០នាទីរសៀលថ្ងៃទី១២ខែវិច្ឆិការឆ្នាំ២០១៩ នៅចំណុច ក្នុងចំម្ការល្មុតចុងព្រែក ភូមិកំពង់ស្វាយលើ ឃុំព្រែកថ្មី ស្រុកកោះធំ ខេត្តកណ្ដាល ។
សមត្ថកិច្ចបានឲ្យដឹងថា នៅមុនពេលកើតគឺមានមានប្រជាពលរដ្ឋល្អ បានរាយការណ៍មកសមត្ថកិច្ចថា មានគេលេងល្បែងភ្នាល់ជល់មាន់ និងអាប៉ោង នៅចំណុចចម្ការល្មុតចុងព្រែក ភូមិកំពង់ស្វាយលើ ឃុំព្រែកថ្មី ស្រុកកោះធំ ខេត្តកណ្ដាល ។
សមត្ថកិច្ចបន្តថា ក្រោយពីទទួលបានព័ត៌មានភ្លាម កម្លាំងជំនាញស្រុកបានសហការជាមួយនិងកម្លាំងនគរបាលប៉ុស្ដិ៍ព្រែកថ្មី បានចុះទៅដល់កន្លែងកើតហេតុ ពេលឃើញកម្លាំង នគរបាលទៅដល់ អ្នកលេងល្បែងទាំងអស់បាននាំគ្នារត់គេចយករួចខ្លួនបាត់អស់ដោយបន្សល់ទុកនៅវត្ថុតាង ៖ ម៉ូតូចំនួន០៧គ្រឿង,កង់ចំនួន០៤គ្រឿង,កន្ត្រកដាក់មាន់ជល់ ០៤សម្រាប់ , ជញ្ជីងថ្លឹងមាន់ ០១គ្រឿង និងស្គុតរុំ មួយចំនួន និង-ចានអាប៉ោង ចំនួន ០១ , គំរបអាប៉ោង ចំនួន ០១ និងកម្រាលលេខអាប៉ោង ០១ផ្ទាំ ។
បច្ចុប្បន្ន វត្ថុតាងទាំងអស់ត្រូវបានកម្លាំងនគរបាលយកមករក្សាទុកនៅអធិការដ្ឋាននគរបាលស្រុកកោះធំ ចំណែកក្រុមអ្នកញៀនល្បែងដែលបានគេចខ្លួន នគរបាលកំពុងស្រាវជ្រាវ ស្វែងរកដើម្បីហៅមកធ្វើការអប់រំ ៕
