ឃាត់ខ្លួនជនសង្ស័យប្រុសស្រី៤នាក់ដកហូតថ្នាំញៀន៣១កញ្ចប់
កំពត៖ កម្លាំងនគរបាលជំនាញខេត្ត កំពតសហការជាមួយកម្លាំងអធិការស្រុកកំពង់ត្រាច ចុះបង្ក្រាបមុខសញ្ញាជួញដូរនិងប្រើប្រាស់គ្រឿងញៀន ឃាត់ខ្លួនជនសង្ស័យប្រុសស្រីចំនួន៤នាក់
ប្រតិបត្តិការណ៍នេះបានធ្វើឡើងនៅវេលាម៉ោង០៩និង៣០នាទីព្រឹកថ្ងៃទី១៩ខែវិច្ឆិកាឆ្នាំ២០១៩ នៅចំណុច ភូមិកណ្តាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត។
សមត្ថកិច្ចបានអោយដឹងថាជនសង្ស័យដែលបានឃាត់ខ្លួនក្នុងប្រតិបត្តិការណ៍នោះរួមមាន៖ទី/១-ឈ្មោះ ឡុង មាន ភេទប្រុសអាយុ៦០ ឆ្នាំ/ទី/២-ឈ្មោះ ឡុង មាស ភេទប្រុសអាយុ ៣០ឆ្នាំ /ទី/៣-ឈ្មោះ ឡុង ពេជ្រ ភេទស្រី អាយុ ២៤ឆ្នាំ / ទី/៤-ឈ្មោះ រិន ណាវ៉ាន់ ភេទប្រុស អាយុ៣៤ឆ្នាំ (អ្នកទាំងបួនរស់នៅភូមិ-ឃុំកើតហេតុខាងលើជាមួយគ្នា) ។ វត្ថុតាងដកហូតបានមាន៖ ថ្នាំញៀនចំនួន៣១កញ្ចប់តូចនិងសម្ភារៈសម្រាប់សេពគ្រឿងញៀនមួយចំនួនទៀត ។
បច្ចុប្បន្ន ជនសង្ស័យទាំង៤នាក់រួមនិងវត្ថុតាង ត្រូវបានសមត្ថកិច្ច សាកសួរនិងកសាងសំណុំរឿងចាត់ការបន្តតាមនីតិវិធីច្បាប់ ៕
