បើករថយន្តក្នុងស្ថានភាពស្រវឹងមិនប្រយត្ន័រេចង្កូតឡើងឃឿនចញ្ចើមផ្លូវជ្រុលទៅបុកបង្គោលភ្លើងបាក់មួយដើម
ភ្នំពេញ៖ យុវជនម្នាក់ស្រវឹងស្រាជោគជាំបេីករថយន្ត លឿនដូចហោះ មិនប្រយត្ន័បានរេចង្កូតឡេីងឃឿនជ្រុលទៅបុកបង្គោលភ្លេីងបំភ្លឺផ្លូវបាក់១ដេីម ចំណែករថយន្តរងការខូចខាតយ៉ាងដំណំ ។
គ្រោះថ្នាក់ចរាចរណ៍នេះកេីតឡេីងកាលពីវេលាម៉ោង០១និង៤០នាទីរំលងអធ្រាត ចូលថ្ងៃទី២៥ខែវិច្ឆិកាឆ្នាំ២០១៩នៅតាមបណ្ដោយ ផ្លូវព្រះសីហនុ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
បើតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកេីតហេតុគេបានឃេីញ រថយន្តមួយគ្រឿងម៉ាកPruisពណ៍ស ពាក់ស្លាកលេខ ភ្នំពេញ2BA-4759 បើកបរ ដោយយុវជនម្នាក់ធ្វេីដំណេីរតាមបណ្ដោយផ្លូវព្រះសីហនុ ទិសដៅពីលិចទៅកេីត ក្នុងល្បឿនយ៉ាងលឿន ខ្វះការប្រុងប្រយត្ន័ លុះមកដល់ចំណុចកេីតហេតុ ស្រាប់តែរថយន្តរេចង្កូតឡេីងឃឿនជ្រុលទៅបុកនិងបង្គោលភ្លេីងបំភ្លឺផ្លូវបាក់១ដេីម ចំណែករថយន្តរងការខូចខាតយ៉ាងដំណំ សំណាងល្អមិនបង្ករឲ្យមានអ្នករងរបួស ។
ក្រោយពេលកើតហេតុសមត្ថកិច្ចមូលដ្ឋាននិងជំនាញចុះមកវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ រងចាំដោះស្រាយគ្នាតាមផ្លូវច្បាប់ នៅពេលក្រោយ ៕
