មន្ត្រីនគរបាលម្នាក់ចង.កសម្លាប់ខ្លួនមិនមូលហេតុ
ព្រះសីហនុ ៖ មន្ត្រីនគរបាលម្នាក់នៅស្រុកស្ទឹងហាវ បានចង.ក នឹងធ្នឹមរោងកាហ្វេសម្លាប់ខ្លួនចោលប្រពន្ធនិង៣នាក់អោយនៅកំព្រា ដោយមិនដឹងមូលហេតុ បន្សល់ទុកនូវសំបុត្រមួយច្បាប់
ហេតុការណ៍នេះបានបង្កអោយមានការភ្ញាក់ផ្អើលកាលពីវេលាទៀបភ្លឺថ្ងៃទី២៥ខែវិច្ឆិការឆ្នាំ២០១៩ ។
សមត្ថកិច្ចបានអោយដឹងថា សពឈ្មោះ ហុឹម សំបូរ ភេទប្រុស អាយុ៥៣ឆ្នាំ មុខងារ នាយផ្នែកគ្រប់គ្រងប៉ុស្តិ៍នគរបាលរដ្ឋបាលនៃអធិការដ្ឋាននគរបាលស្រុកស្ទឹងហាវ មានទីលំនៅក្រុម០២ភូមិ៣ឃុំទំនប់រលក ស្រុកស្ទឹងហាវ ខេត្តព្រះសីហនុ ។
សមត្ថកិច្ចបន្តថា ជនរងគ្រោះបានចង.ក សម្លាប់ខ្លួនហើយបានបន្សល់ទុកនូវសំបុត្រមួយច្បាប់ សរសេរថា ៖ បញ្ហាខ្ញុំបាទសម្លាប់ខ្លួននេះ អត់មានពាក់ពន្ធ័ជាមួយក្រុមគ្រួសារឬប្រពន្ធកូនរឺអ្នកដទៃទេ នេះជាកំហុសរបស់ខ្ញុំ បញ្ហាប្រពន្ធកូនរបស់ខ្ញុំស្រលាញ់ខ្លាំងណាស់ បន្តែ ធ្វើដូចម្ដេច បើប៉ាគិតខុសមិនអាចរស់នៅបានតទៅទៀតបាន លោកប៉ាសុំទោស កូនទាំង៣នាក់និងប្រពន្ធសំលាញ់ យើងមាន វាសនា ជួបគ្នាប៉ុណ្ណឹង លាហើយលាជារៀងរហូត បើមាន វាសនា ចាំជួបគ្នាជាតិក្រោយទៀត ខ្ញុំសោកស្ដាយ ប៉ូលិស ការងារជាមួយនិងខ្ញុំសុទ្ធជារាប់អានគ្នាល្អ ជាង៣០ឆ្នាំ ពេលនេះបែកគ្នាហើយ ចំណែកអធិការ ក៏ជាមេ ដ៏ល្អមួយរូបរបស់ខ្ញុំ ។
ទោះជាយ៉ាងណាជុំវិញករណីនេះសមត្ថកិច្ចនៅមិនទាន់បញ្ជាក់អំពីមូលហេតុឲ្យច្បាស់នៅឡើយទេ រងចាំស្រាវជ្រាវបន្ថែម ៕
