ជនបរទេសម្នាក់បេីកម៉ូតូធំ លឿនប្រយត្ន័ជ្រុលបុករបងឃ្លាំងសាំងសូគីមុិច ដួលបាក់កស្លាប់គួរឲ្យសង្វេក
ភ្នំពេញ៖ បុរសជនជាតិបរទេសវ័យចំណាស់ម្នាក់ ជិះម៉ូតូធំ បើកក្នុងល្បឿនលឿនខ្វះការប្រុងប្រយត្ន័ក៏ជ្រុលទៅបុករបងអតីតឃ្លាំងសាំងសូគីមិច បណ្ដាលឲ្យដួលបាក់.ក ស្លាប់បាត់បង់ជីវិតយ៉ាងអាណោចអធម៌ នៅនឹងកន្លែង ៖ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៧និង៤០នាទីយប់ថ្ងៃទី២៩ ខែវិច្ឆិកា ឆ្នាំ២០១៩ នៅ តាមបណ្ដោយផ្លូវជាតិលេខ៥ត្រង់ចំណុចមុខ អតីតឃ្លាំងសាំងសូគីមុិច ស្ថិតក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុ បានឲ្យដឹងថា មុនពេលកេីតហេតុ គេឃេីញបុរសរងគ្រោះដែលជាជនជាតិបរទេស រូបនោះជិះម៉ូតូធំ មួយគ្រឿង ពណ៌ក្រហម ពាក់ ស្លាកលេខភ្នំពេញ1BE-3552 បើកក្នុងល្បឿនលឿនទិសដៅពីជេីងទៅត្បូង ខណៈមកដល់ចំណុចកេីតហេតុ បានរេចង្កូតមកខាងស្តាំជ្រុលទៅបុករបងអតីតឃ្លាំងសាំងសូគីមុិច ឬស្សីកៃវ បណ្ដាលអោយដួលបោកបាក់.ក ស្លាប់ភ្លាមៗយ៉ាងអាណោចអាធម៌ ។
ក្រោយពេលកើតហេតុ សមត្ថកិច្ចមូលដ្ឋានបានមកដល់កន្លែងកើតហេតុនិងបានធ្វើការទំនាក់ទំនងទៅសមត្ថកិច្ចជំនាញចុះមកវាស់វែង រួចយកម៉ូតូទៅរក្សាទុកបណ្តោះអាសន្នរងចាំប្រគល់ជូនសាច់ញាតិវិញ ។ ចំណែកសពជនរងគ្រោះសមត្ថកិច្ចធ្វើកំណត់ហេតុរួចដឹកយកទៅតម្កល់ទុកនៅវត្តទឹកថ្លាដើម្បីទុកស្រាវជ្រាវ សាច់ញាតិដើម្បីអោយមកទទួលយកសពទៅធ្វើបុណ្យតាមប្រពៃណី៕
