សង្ស័យស្រវឹងខ្លាំងបើករថយន្ត R A N G E R រេចង្កូតទៅបុកគួថរថយន្តឡិចសុីស៤៧០ ចតនៅចញ្ចើមផ្លូវ រួចបើកគេច
ភ្នំពេញ ៖ បុរសម្នាក់សង្ស័យស្រវឹងខ្លាំងបេីករថយន្តលឿនខ្វះការប្រុងប្រយត្ន័បានរេចង្កូតជ្រុលទៅបុក គួថរថយន្តលុចស៊ីស៤៧០មួយគ្រឿងដែលចតស្ងៀមនៅលើផ្លូវ បណ្ដាលឲ្យរងការខូចខាត ហេីយមិនបានឈប់ទទួលខុសត្រូវ បែជាព្យាយាមបន្ថែមល្បឿនបើកគេច
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៨ និង៣០នាទីយប់ថ្ងៃទី៣ខែធ្នូឆ្នាំ២០១៩ នៅតាមបណ្ដោយផ្លូវលេខ៤៦២ កែងនិងផ្លូវលេខ៦៣ ស្ថិតក្នុងសង្កាត់ទន្លេបាសាក់ ខណ្ឌចំការមន ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកេីតហេតុ គេបានឃើញរថយន្តមួយគ្រឿងម៉ាក R A N G E Rពណ៌សពាក់ស្លាកលេខភ្នំពេញ2AH-2007 បើកបរដោយបុរសម្នាក់ធ្វើដំណើរតាមបណ្ដោយផ្លូវលេខ៦៣ទិសដៅត្បូងទៅជើងក្នុងល្បឿនយ៉ាងលឿន រេពេញផ្លូវ ខណៈមកដល់ចំណុចកើតហេតុ ស្រាប់តែរថយន្ត បានរេចង្កូតជ្រុលទៅបុកគួថឬរថយន្តឡិចសុីស៤៧០ មួយគ្រឿងពណ៌ទឹកមាស ពាក់ស្លាកលេខ សៀមរាប2B -2032 ដែលចតស្ងៀមនៅលើផ្លូវ បណ្ដាលឲ្យខូចខាត បែកស្តុបនិងកាងក្រោយ ចំហៀងខាងឆ្វេង តែមិនមានគ្រោះថ្នាក់ដល់មនុស្សនោះទេ ។
ប្រភពបានបន្តថា បន្ទាប់ពីកើតហេតុភ្លាមៗរថយន្តបង្កមិនបានឈប់ទទួលខុសត្រូវនោះទេ បែជាបន្ថែមល្បឿនព្យាយាមបើកគេចបានប្រហែលជាង១០០ម៉ែត្រ ទើបម្ចាស់រថយន្តរងគ្រោះដេញតាមឃាត់បាន ។
ប្រភពដដែលបានបន្តទៀតថា ពេលម្ចាស់រថយន្តរងគ្រោះតាមទាន់ ភ្លាមៗភាគីទាំង២បានសម្របសម្រួលគ្នា ដោយម្ចាស់រថយន្ត ឡិចសុីស៤៧០ទាសំណងថ្លៃការខូចខាតចំនួន៦០០ដុល្លារ តែម្ចាស់រថយន្តបង្កសុំសង៥០០ដុល្លារ ពេលនោះម្ចាស់រថយន្តរងគ្រោះក៏បានយល់ព្រម ស្រាប់តែម្ចាស់រថយន្តបង្កអត់មានលុយសងទៅវិញ ។
ក្រោយមកសមត្ថកិច្ចមូលដ្ឋាននិងសមត្ថកិច្ចជំនាញចរាចរណ៍ បានមកដល់ បែកជាបុរសជាម្ចាស់រថយន្តបង្ករ មាន អាកប្បកិរិយា និងប្រើសម្តីមិនសមរម្យដាក់សមត្ថកិច្ចបន្ថែមទៀត ដោយចរចាមិនត្រូវរ៉ូវគ្នាហើយយូពេក សមត្ថកិច្ចជំនាញចរាចរណ៍ក៏បានវាស់វែងយករថយន្តបង្ក និងរថយន្តរងគ្រោះទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញ រង់ចាំដោះស្រាយគ្នានៅពេលក្រោយ ៕
