រថយន្តម៉ាស្ដា ស្លាកលេខរដ្ឋ បុករឺម៉ក់សណ្ដោងពីក្រោយក្រឡាប់ផ្ងារជើង របួសធ្ងន់ស្រាល០៨នាក់
ភ្នំពេញ ៖ បុរសម្នាក់បើករថយន្តម៉ាស្ដា ពាក់ស្លាកលេខរដ្ឋ សង្ស័យស្រវឹងស្រាខ្លាំង បានបេីករថយន្តម៉ាក ម៉ាស្ដា ពាក់ស្លាកលេខរដ្ឋ ជ្រុលចង្កូតទៅបុកម៉ូតូរឺុម៉ក់កង់បីពីក្រោយពេញទំហឹងបណ្ដាលឲ្យក្រឡាប់ផ្ងារជេីង និងរបួសធ្ងន់ស្រាលជាច្រេីននាក់ត្រូវបានរថយន្តសាមុយដឹកបញ្ចូនទៅកាន់មន្ទីពេទ្យដើម្បីសង្គ្រោះភ្លាមៗ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង០៩នឹង១០នាទីយប់ថ្ងៃទី៥ ខែធ្នូឆ្នាំ២០១៩ នៅតាមបណ្ដោយផ្លូវ៦០ម៉ែត្រ ក្នុងសង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ។
បើតាមសម្ដីបុរសជនរងគ្រោះដែលជាអ្នកបើករ៉ឺម៉កបានប្រាប់ឲ្យដឹងថា មុនពេលកើតហេតុរូបគាត់រួមនិងក្រុមការងារ៧នាក់ទៀត រួមដំណើរជាមួយគ្នាដោយរូបគាត់ជាអ្នកបើករ៉ឺម៉កសណ្ដោងដឹកវាំងននចេញពីកម្មវិធីមួយកន្លែង ធ្វើដំណើរតាមបន្ដោយផ្លូវ៦០ម៉ែត្រ ទិសដៅពីត្បូងទៅជេីងក្នុងល្បឿនល្មម លុះមកដល់ចំណុចកេីតហេតុក្បែរក្រុមហ៊ុនលក់រថយន្តមេកសឺឌេស.ក៏ស្រាប់តែមានរថយន្តមួយគ្រឿងម៉ាក់ ម៉ាស្ដារ ពណ៍ស ពាក់ស្លាកលេខរដ្ធ20.2-8789 ដែលបេីកបរដោយបុរសម្នាក់នឹងអ្នករួមដំណេីរម្នាក់ទៀត សង្ស័យស្រវឹងស្រាខ្លាំង បើកបរស្របទិសគ្នាមកពីក្រោយយ៉ាងលឿនមិនប្រយត្ន័ជ្រុលបុករុឺម៉កពីក្រោយពេញទំហឹង បណ្ដាលឲ្យ រ៉ឺម៉កសណ្ដោងនិងម៉ូតូក្រឡាប់ផ្ងារជើងទ្រមេឃ ធ្វើឲ្យអ្នកជិះលើរុឺម៉ករបួសធ្ងន់៤នាក់និងស្រាល៤នាក់ ភ្លាមៗត្រូវបានរថយន្តសាមុយដឹកទៅកាន់មន្ទីរពេទ្យដើម្បីព្យាបាលនិងសង្គ្រោះ។
ប្រភពបានបន្តថា បន្ទាប់ពីបង្កហេតុអ្នកបេីកបររថយន្តនិងអ្នករួមដំណើរបានរត់គេចខ្លួនបាត់ស្រមោល។
ក្រោយពេលកេីតហេតុ សមត្ថកិច្ចមូលដ្ឋាននិងសមត្ថកិច្ចជំនាញចរាចរណ៍ចុះមកវាស់វែង ស្ទួចយករថយន្តបង្ក ព្រមទាំងម៉ូតូសណ្ដោងរុឺម៉ក ទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រងចាំដោយស្រាយតាមច្បាប់ ៕
