ជិះម៉ូតូធំបុកខឿនចែកផ្លូវផ្លោងបោកនិងថ្នល់បាក់.ក ស្លាប់គួរឲ្យសង្វេក
ភ្នំពេញ៖ បុរសម្នាក់ជិះម៉ូតូធន់ធំម៉ាកCBRមួយគ្រឿងបើកក្នុងល្បឿនលឿន ខណៈដល់ផ្លូវកោងកាច់ចង្កូតមិនទាន់ជ្រុលទៅបុកខឿនចែកទ្រូងផ្លូវផ្លោងទៅផ្លូវម្ខាងទៀតបោកនិងថ្នល់បាក់.ក ស្លាប់នៅនឹងកន្លែង យ៉ាងអាណោចអាធ័ម។
ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង ៩ និង ៣០នាទីយប់ថ្ងៃទី ១៥ខែធ្នូ ឆ្នាំ២០១៩ នៅតាមបណ្ដោយផ្លូវR៥ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
សពជនរងគ្រោះមានឈ្មោះ សោម ចន្ថាភេទប្រុស អាយុ៣៦ឆ្នាំ មានស្រុកកំណើត ឃុំក្រញូង ស្រុករមាសហែក ខេត្តស្វាយរៀង។
យោងតាមប្រភពព័ត៌មានពីកន្លែងកើតហេតុហេតុបានឲ្យដឹងថា មុនកើតហេតុឃើញបុរសម្នាក់ជិះម៉ូតូធន់ធំមួយគ្រឿងម៉ាក CBR ពណ៌ខ្មៅស្លាកលេខភ្នំពេញ1GF-5382 ធ្វើដំណើរតាមបណ្តោយផ្លូវលេខR៥ ទិសដៅពីលិចទៅកើតក្នុងល្បឿនយ៉ាងលឿន លុះមកដល់ចំណុចកើតហេតុខាងលើផ្លូវមានសន្ថាភាពកោងកាច់ចង្កូតមិនទាន់ជ្រុលទៅបុកខឿនចែកទ្រូងផ្លូវបណ្ដាលឲ្យផ្លោងម៉ូតូនិងមនុស្សទៅផ្លូវម្ខាងទៀតបោកនិងថ្នល់បាក់កស្លាប់យ៉ាងអាណោចអាធ័ម។ បន្ទាប់មកក្រុមគ្រួសារនិងសាច់ញាតិចុះមកដល់កន្លែងកើតហេតុឃើញជនរងគ្រោះស្លាប់បាននាំគ្នាស្រែកទ្រហោយំអោបសពគួរឲ្យសង្វែក។
ក្រោយកើតហេតុសមត្ថកិច្ចមូលដ្ឋាននិងជំនាញបានចុះមកដល់កន្លែងបានវាស់វែងយកម៉ូតូទៅរក្សាទុកបណ្ដោះអាសន្នទុករងចាំប្រគល់ជូនសាច់ញាតិវិញ។ដោយឡែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅស្រុកកំណើតធ្វើបុណ្យតាមប្រពៃណី៕
