នគរបាលខណ្ឌច្បារអំពៅ ឃាត់ខ្លួនមុខសញ្ញាជួញដូរគ្រឿងញៀនម្នាក់ដកហូតថ្នាំញៀន១៧កញ្ចប់
ភ្នំពេញ៖ កម្លាំងនគរបាល ជំនាញខណ្ឌច្បារអំពៅ ដឹកនាំកម្លាំងដោយ លោក វរសេនីយ៍ត្រី ឡូ ភារម្យ អធិការរងទទួលផ្នែកបទល្មើសគ្រឿងញៀន សហការជាមួយ កម្លាំងនគរបាលប៉ុស្ដិ៍ច្បារអំពៅ២ ធ្វើការបង្ក្រាបជាក់ស្ដែង នូវមុខសញ្ញាចែកចាយ និងជួញដូរគ្រឿងញៀនខុសច្បាប់ ដោយឃាត់ខ្លួនជនសង្ស័យម្នាក់ ដកហូតថ្នាំញៀនបាន១៧កញ្ចប់
ការបង្ក្រាបនេះបានធ្វើឡើងកាលពីរសៀលថ្ងៃទី១៩ ខែធ្នូ ឆ្នាំ២០១៩ នៅចំណុចខ្ទមចាស់ទុកចោល ផ្លូវលំ ភូមិដើមចាន់១ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ។
លោកវរសេនីយ៍ត្រី ឡូ ភារម្យ អធិការរងទទួលផ្នែកបទល្មើសគ្រឿងញៀន បានឲ្យដឹងថា ជនសង្ស័យដែលឃាត់ខ្លួនមានឈ្មោះ ដាវ ហុង ហៅ ហុង ភេទ ប្រុស អាយុ ៣៤ ឆ្នាំជនជាតិ វៀតណាម មុខរបរមិនពិតប្រាកដ ស្នាក់នៅភូមិដើមចាន់១ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។
ចំណែកវត្ថុតាងដកហូតបានរួមមាន ៖
-ក្រាមពណ៍សថ្លា១៧កញ្ចប់ថង់តូច រួមទាំងឧបករណ៍សម្រាប់ប្រើប្រាស់មួយចំនួន។
បច្ចុប្បន្ន ជនសង្ស័យខាងលើរួមទាំងវត្ថុតាងត្រូវបានសមត្ថកិច្ចសាកសួរនិងកសាងសំណុំរឿងបញ្ចូនទៅអធិការដ្ឋាននគរបាលខណ្ឌច្បារអំពៅដើម្បីចាត់ការបន្តតាមនីតិវិធីច្បាប់៕
