សមត្ថកិច្ចឃាត់ខ្លួនក្រុមញៀនល្បែងជល់មាន់តាមទូរទស្សន៍ខ្សែរកាប១៩នាក់
កំពង់ស្ពឺ ៖ កម្លាំងសមត្ថកិច្ចខេត្តកំពង់ស្ពឺឆ្មក់បង្ក្រាបទីតាំងល្បែងជល់មាន់តាមទូរទស្សន៏ខ្សែកាប ឃាត់ មនុស្ស ១៩នាក់ចាប់ទុកម៉ូតូចំនួន២៥គ្រឿង
ប្រតិបត្តិការណ៍ឆ្មក់បង្ក្រាបនេះបានធ្វើឡើងកាលពី វេលាម៉ោង ៣និង៤០នាទីរសៀលថ្ងៃទី០៩ខែកក្ដដាឆ្នាំ ២០១៨ នៅផ្ទះលក់ការហ្វេមួយកន្លែងស្ថិតក្នុងភូមិ ត្រពាំងអំពិល ឃុំត្រពាំងគង ស្រុកសំ រោងទងខេត្តកំពង់ស្ពឺ ។
ម្ចាស់ផ្ទះលក់ការហ្វេមានឈ្មោះ ភិន ផល្លា ភេទស្រី អាយុ ៤០ឆ្នាំ រស់នៅភូមិត្រពាំងអំពិល ឃុំត្រពាំងគង ស្រុកសំ រោងទងខេត្តកំពង់ស្ពឺ ។
សមត្ថកិច្ចបានឲ្យដឹងថា បន្ទាប់ពីទទួលបានព័ត៌មានថា នៅទីតាំងផ្ទះលក់ការហ្វេដែលមានម្ចាស់ឈ្មោះ ភិន ផល្លាបើកដំណើរការឲ្យមានល្បែងសុីសងជល់មាន់តាមទូរទស្សន៍ខ្សែកាប កម្លាំងការិយាល័យព្រហ្មទណ្ឌកំរិតស្រាលខេត្តបានចុះបង្ក្រាបទីតាំងខាងលើភ្លាមៗ ដោយឃាត់ខ្លួនអ្នកញៀនល្បែងចំនួន១៩នាក់ដក់ហូត ម៉ូតូ២៥គ្រឿង ទូរទស្សន៍ ភ្ជាប់ជាមួយអុិនធឺណេត ១គ្រឿង ។
ក្រោយការបង្រ្កាបកម្លាំងសមត្ថកិច្ចបាននាំយកក្រុមញៀនល្បែងនិងវត្ថុតាងទៅធ្វើការសាកសួរនិងកសាងសំណុំរឿងបញ្ជូនទៅការិយាល័យព្រហ្មទណ្ឌកំរិតស្រាលដើម្បីចាត់ការតាមនីតិវិធី៕
