គោយន្តកែច្នៃដាច់ម៉ែត្រចង្កូតរេទៅបុករថយន្ត CRVបណ្ដាលឲ្យព្រះសង្ឃនិងតៃកុងរងរបួសធ្ងន់
កំពង់ចាម៖ គោយន្តកែច្នៃបើកលឿនខ្វះការប្រុងប្រយត្ន័ធ្លាក់ជង្ហុក ដាច់ម៉ែត្រចង្កូតរេទៅបុករថយន្តCRVពេញទំហឹងបណ្ដាលឲ្យព្រះសង្ឃមួយអង្គរងរបួសធ្ងន់និងតៃកុងគៀបជាប់ក្នុងកាប៊ីនរបួសស្រាល
ហេតុការណ៍គ្រោះថ្នាក់ចរាចរណ៍គួរឲ្យរន្ធត់នេះបានកើតឡើងកាលពីវេលាម៉ោង០១និង០០នាទីរសៀលថ្ងៃទី២៨ខែធ្នូឆ្នាំ២០១៩ នៅតាមបណ្ដោយកៅស៊ូ ត្រង់ចំណុចភូមិស្រែវាល ឃុំមេ សរជ្រៃ ស្រុកស្ទឹងត្រង់ ខេត្តកំពង់ចាម ។
យោងតាមប្រភពព័ត៊មានពីប្រជាពលរដ្ឋដែលឃើញហេតុការណ៍បានប្រាប់អោយដឹងថា ដំបូងគេឃើញរថយន្ថមួយគ្រឿងម៉ាកCRV ពណ៌ទឹកប្រាក់ពាក់ស្លាកលេខភ្នំពេញ2B-0925បើកបរដោយបុរសម្នាក់រួមដំណើរនិងព្រះសង្ឃមួយអង្គទៀតធ្វើដំណើរទិសដៅពីជើងទៅត្បូងក្នុងល្បឿនល្មម លុះមកដល់ចំណុចកើតហេតុ ស្រាប់តែមានគោយន្តកែច្នៃមួយគ្រឿងបើកបរដោយបុរសម្នាក់ទឹសដៅបញ្ច្រាសគ្នាក្នុងល្បឿនលឿនមិនប្រយត្ន័បានរេចង្កូតមកខាងឆ្វេងជ្រុលទៅបុករថយន្តCRVពេញទំហឹងគៀបតៃកុងជាប់ ភ្លាមៗត្រូវបានប្រជាពលរដ្ឋនាំគ្នាជួយគាស់យកចេញ រងរបួសធ្ងន់ទាំងព្រះសង្ឃនិងតៃកុង ត្រូវបានគេបញ្ជួនទៅព្យាបាលនៅពេទ្យ ។ ចំណែកអ្នកបើកបរគោយន្តច្នៃបន្ទាប់ពីបង្កហេតុបានរត់គេចខ្លួនបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានចុះមកវាស់វែងយករថយន្តរងគ្រោះនិងគោយន្តបង្កទៅរក្សាទុកនៅអធិការស្រុកស្ទឹងត្រង់រងចាំដោះស្រាយតាមច្បាប់នៅពេលក្រោយ ៕
