នគរបាលប៉ុស្តិ៍ ចាក់អង្រែលើ ឃាត់ខ្លួនជនសង្ស័យម្នាក់ក្រោយគាស់បន្ទប់ជួលលួចយកម៉ូតូគេចខ្លួនបានជិត៣ខែ
ភ្នំពេញ៖ ជនសង្ស័យម្នាក់ដែលធ្វើសកម្មភាពលួចគាស់បន្ទប់ជួលលួចយកម៉ូតូម៉ាកស្កុបពីមួយគ្រឿងកាលពីថ្ងៃទី១១ខែតុលាឆ្នាំ២០១៩ រួចបានគេចខ្លួនជិត៣ខែ រហូតដល់ថ្ងៃទី០៦ ខែមករា ឆ្នាំ២០២០ ត្រូវកម្លាំងសមត្ថកិច្ចប៉ុស្ដិ៍ចាក់អង្រែលើ ស្រាវជ្រាវ ចាប់ឃាត់ខ្លួនបាន។
សមត្ថកិច្ចបានអោយដឹងថា ជនសង្ស័យមានឈ្មោះ បូ ដារ៉ូ ភេទ ប្រុស អាយុ១៨ឆ្នាំជនជាតិខ្មែរ ទីលំនៅផ្ទះគ្មានលេខ ផ្លូវលំ ភូមិ ព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ (មានផ្ទុកសារធាតុញៀន) ។ ចំណែកជនរងគ្រោះឈ្មោះ ទូច ទី ភេទ ស្រី អាយុ៣៧ឆ្នាំ ជនជាតិខ្មែរ ទីលំនៅផ្ទះលេខ៨៩អឺ១,២ ផ្លូវបេតុង ភូមិព្រែកតាគង់ សង្កាត់ ចាក់អង្រែលើ ខណ្ឌមានជ័យ រាជធានីភ្នំពេញ មុខរបរ ។ សម្ភារៈបាត់បង់ ៖ ម៉ូតូ០១គ្រឿងម៉ាកស្គូបពី ពណ៍ស សេរី២០១៥ ពាក់ស្លាកលេខ ភ្នំពេញ 1FP 5621 ។
បច្ចុប្បន្ន ជនសង្ស័យត្រូវបាននគរបាលឃាត់ខ្លួន បណ្ដោះអាសន្ន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជួនទៅតុលាកាេចាត់តាមនីតិវិធីច្បាប់៕
