រថយន្តប៊ែនដឹកដីបុកបុរសស្ត្រីពីរនាក់ប្ដីប្រពន្ធកំពុងជិះម៉ូតូស្លាប់ទាំងពីរនាក់

ភ្នំពេញ៖ បុរសស្ត្រីពីរនាក់ប្ដីប្រពន្ធជិះម៉ូតូឌុប​គ្នាតាមផ្លូវត្រូវរថយន្តប៊ែនដឹកដីមួយគ្រឿងមិនស្លាកលេខ​ បេីកបុកពេញទំហឹង អូសជា​ច្រេីនម៉ែត្រ បណ្ដាលឲ្យស្លាប់ភ្លាមៗនៅនិង​កន្លែងទាំងពីរនាក់​យ៉ាងអាណោចអធម៌
ហេតុការណ៍គ្រោះថ្នាក់ចរាចរណ៍គួរឲ្យរន្ធត់​នេះបានកើតឡើងកាលពីវេលា​ម៉ោង ១១និង​២០នាទីយប់ថ្ងៃទី១២​ ខែមករា​ ឆ្នាំ២០២០ នៅ​តាម​បណ្ដោយផ្លូវ ៥០ម៉ែត្រ កែងនិងផ្លូវចូល ទៅវិទ្យុ​អេ ប៊ី សុី ភូមិព្រែកថ្លឹង សង្កាត់ជេីងឯក ខណ្ឌដង្កោ រាជធានីភ្នំពេញ ។

សពជនរងគ្រោះជាប្ដីមានឈ្មោះ ហេង ដា ភេទប្រុស អាយុ៣០ឆ្នាំ មានស្រុកកំណេីត​ភូមិកន្ទ្រាន ឃុំរោងដំរី ស្រុបាភ្នំ ខេត្តព្រៃវែង
ឯសពស្ត្រីប្រពន្ធ មិនត្រូវបានស្គាល់ឈ្មោះនោះទេ ។

យោងតាមប្រភពព័ត៌មានពីកន្លែងកេីតហេតុ បានឲ្យដឹងថា មុនកេីតហេុគេបានឃេីញ​ជន​រងគ្រោះពីរនាក់ប្ដីប្រពន្ធ​ ជិះម៉ូតូមួយគ្រឿងម៉ាក ស្មាសរ៊ីវ៉ូ ពណ៍ខ្មៅ ពាក់ស្លាកលេខ កំពង់​ឆ្នាំង1B-7326 ឌុបគ្នាដោយធ្វេីដំណេីរ​តាមបណ្ដោយផ្លូវ ៥០ម៉ែត្រ ទិសដៅ ពីត្បូងទៅជេីង ខណះមកដល់ចំណុចកេីតហេតុលេី បានបត់ឆ្វេងតាមផ្លូវ បេតុង ច្រកចូលទៅវិទ្យុ A B C ស្របពេលនោះក៏មានរថយន្តដឹកដី​មួយគ្រឿងពណ៍ស មិនចាំស្លាកលេខ ធ្វេីដំណេីរ​ ទិសដៅពីជេីងទៅត្បូង ក្នុងល្បឿនលឿនបានបត់ស្ដាំដោយខ្វះការប្រុងប្រយ័ត្នក៏ជ្រុលចង្កូតទៅបុកជាម៉ូតូពេញទំហឹង អូសជាច្រេីនម៉ែត្រ បណ្ដាលឲ្យជនរងគ្រោះទាំង​ពីរនាក់ប្ដីប្រពន្ធ​ ដួលបោក្បាលនិងថ្នល់ស្លាប់យ៉ាងអណោចអធម៌​ ។
ប្រភពបានបន្តថា​ បន្ទាប់ពីកើតហេតុភ្លាមៗ​រថយន្តបង្ករមិនបានឈប់ទទួលខុសត្រូវដោះស្រាយនោះទេ បានបន្ថែមល្បឿនព្យាយាមបេីកគេចបាត់ស្រមោល ។

ក្រោយពេលកើតហេតុសមត្ថកិច្ចមូលដ្ឋានបានចុះមកដល់​ ទាក់ទងទៅសមត្ថកិច្ចជំនាញ​មកវាស់វែងយកម៉ូតូរងគ្រោះទៅរក្សាទុកនៅអធិការដ្ឋាននគបាលខណ្ឌដង្កោរងចាំប្រគល់​ឲ្យសាច់ញាតិវិញ ។ ចំណែកសពជន​រង​គ្រោះ​សមត្ថកិច្ចធ្វើកំណត់រួចដឹកយកទៅតម្កល់នៅវត្តទឹកថ្លា ដើម្បីស្រាវជ្រាវ​រក​សាច់ញាតិមកទទលធ្វេីបុណ្យតាមប្រពៃណី ៕