នគរបាលប៉ុស្ទឹងមានជ័យ៣ ឃាត់ខ្លួនជនសង្ស័យម្នាក់ដកហូតថ្នាំញៀន១០កញ្ចប់
ភ្នំពេញ៖ កម្លាំងនគរបាលប៉ុស្តិ៍ស្ទឹងមានជ័យទី៣ ធ្វើការចុះល្បាតពួនស្ទាក់ក្នុងមូលដ្ឋានប្រទះឃើញជនសង្ស័យម្នាក់ឈរនៅតាមផ្លូវបេតុងដោយមានការសង្ស័យក៏ឃាត់ខ្លួនសួរនាំឆែកឆេររកឃើញថ្នាំញៀន១០កញ្ចប់តូចនៅជាប់នឹងខ្លួន ហេតុការណ៍នេះកើតឡើងកាលពីវេលាម៉ោង០៣ ទៀបភ្លឺថ្ងៃទី ២២ខែមករាឆ្នាំ២០២០ នៅតាមបណ្ដោយផ្លូវបេតុងភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
ជនរកជនសង្ស័យដែលសមត្ថកិច្ចឃាត់ខ្លួនមានឈ្មោះ រស់ ចាន់សុភ័ក្រ ភេទប្រុសអាយុ ៣១ ឆ្នាំមុខរបរនិងស្នាក់នៅមិនពិតប្រាកដ។
លោក ឯម ភារី នាយប៉ុស្តិ៍នគរបាលស្ទឹងមានជ័យទី៣ បានប្រាប់ឲ្យដឹងថា នៅមុនពេលឃាត់ខ្លួនជនសង្ស័យ ខាងលើ លោកបានដឹកនាំកម្លាំងនគរបាលប៉ុស្តិ៍ ចេញល្បាតពួនស្ទាក់ដើម្បីទប់ស្កាត់បទល្មើសផ្សេងៗកុំឲ្យកើតមាននៅក្នុងមូលដ្ឋាន ខណៈមកដល់ចំណុចកើតហេតុស្រាប់តែឃើញជនសង្ស័យឈរតាមផ្លូវរងចាំម៉ូយមកយកថ្នាំសមត្ថកិច្ចមានការសង្ស័យក៏ឃាត់ខ្លួននិងឆែកឆេរស្រាប់តែឃើញថ្នាំញៀន ១០កញ្ចប់តូចនៅនិងខ្លួនរួចក៏បានឃាត់យកមកសួរនាំនៅប៉ុស្តិ៍នគរបាលស្ទឹងមានជ័យទី៣ តែម្ដង។
លោក ឯម ភារី បន្តថា នៅមុខសមត្ថកិច្ចជនសង្ស័យបានឆ្លើយសារភាពថាថ្នាំញៀននេះពិតជារបស់គេពិតប្រាកដមែន ។
បច្ចុប្បន្នជនសង្ស័យរួមនិងវត្ថុតាងថ្នាំញៀន ១០កញ្ចប់ត្រូវបានសមត្ថកិច្ចប៉ុស្តិ៍នគរបាលស្ទឹងមានជ័យទី៣ កសាងសំណុំរឿងបញ្ជូនទៅកាន់អធិការដ្ឋានខណ្ឌមានជ័យ ដើម្បីចាត់ការបន្តតាមនីតិវិធីច្បាប់៕
