នគរបាលខណ្ឌទទួលគោក ឃាត់ខ្លួនជនសង្ស័យ២នាក់ ពាក់ពន្ធ័និងករណីរក្សាទុកនូវសារធាតុញៀនខុសច្បាប់
ភ្នំពេញ៖ កម្លាំងនគរបាលខណ្ឌទូលគោក ដាក់គោលដៅ ត្រួតពិនិត្យការអនុវត្តន៏ច្បាប់ចរាចរណ៌ផ្លូវគោក និងត្រួតពិនិត្យអាវុធជាតិផ្ទុះ ដើម្បីការពារសុវត្ថិភាពនៅក្នុងមូលដ្ឋានបានធ្វើការឃាត់ខ្លួន ជាក់ស្ដែង ជនសង្ស័យចំនួន២នាក់ពាក់ពន្ធ័ករណីរក្សាទុកនូវសារធាតុញៀនដោយខុសច្បាប់
ហេតុការណ៍នេះបានធ្វើឡើងកាលពីយប់ថ្ងៃទី២១ មករាឆ្នាំ២០២០ នៅតាមបណ្ដោយផ្លូវ២១៥ ក្រុមទី៣៦ ភូមិ១៦សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
សមត្ថកិច្ចបានអោយដឹងថាជនសង្ស័យដែលឃាត់ខ្លួនរួមមានទី១ ៖ មានឈ្មោះ ឆេន ភារី ហៅ រី ភេទប្រុស អាយុ៣១ឆ្នាំ ជនជាតិខែ្មរ មុខរបរមិនពិតប្រាកដ ស្នាក់នៅផ្ទះជួលគ្មានលេខ ផ្លូវលំ សង្កាត់កាកាប ខណ្ឌពោធិសែនជ័យរាជធានីភ្នំពេញ ឃាត់ខ្លួននៅវេលាម៉ោង ៩និង៥០នាទីយប់ ។ វត្ថុតាងដែលបានចាប់យកមាន៖ ក្រាមពណ៌សថ្លា(សង្ស័យគ្រឿងញៀន ) ចំនួន៣កញ្ចប់តូច និងទូរស័ព្ទដៃមួយគ្រឿងម៉ាក NOKIA និងម៉ូតូមួយគ្រឿងម៉ាក HONDA DREAM-C១២៥ ពណ៍ខ្មៅ ស៊េរី២០១១ ពាក់ស្លាកលេខកំពង់ចាម 1G-7656 ដែលមានលេខតួ និងលេខម៉ាសុិន 8620680 ។
ជនសង្ស័យទី២ ៖ ឈ្មោះ ខេង សុខប៉ាវ ហៅ ប៉ាវ ភេទប្រុស អាយុ២៣ឆាំ្ន ជនជាតិខែ្មរ មុខរបរកម្មករដឹកកង់ឡាន ស្នាក់នៅក្នុងកន្លែងធ្វើការ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ឃាត់ខ្លួននៅ វេលាម៉ោង១០និង២០នាទីយប់ ។ វត្ថុតាងដែលបានចាប់យក-ក្រាមពណ៌សថ្លា(សង្ស័យគ្រឿងញៀន ) ចំនួន១កញ្ចប់តូច និងម៉ូតូមួយគ្រឿងម៉ាក HONDA DREAM C125 ពណ៍ខ្មៅ ស៊េរី2014 ពាក់ស្លាកលេខភ្នំពេញ 1CF-1524 ដែលមានលេខតួ និងលេខម៉ាស៊ីន 9054251 ។
បច្ចុប្បន្ន ជនសង្ស័យទាំង២នាក់រួមនិងវត្ថុតាង ត្រូវបានសមត្ថកិច្ចឃាត់ខ្លួន បណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធើ្វការសាកសួរ និងកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធីច្បាប់៕
