រថយន្ត ព្រូសបុកបង្កាន់ដៃស្ពានអាកាសផ្សារដីហុយរបួសធ្ងន់និងស្រាល៤នាក់
ភ្នំពេញ៖ យ៉ាងហោចណាស់មនុស្សចំនួន៤នាក់បានរងរបួសធ្ងន់និងស្រាលក្នុងហេតុការណ៍គ្រោះថ្នាក់ចរាចរណ៍ រថយន្តតូយូតាព្រួសបុកបង្កាន់ដៃស្ពានអាកាសផ្សារដីហុយ
ហេតុការណ៍នេះកើតឡើងកាលពីវេលាម៉ោងជាង១២រំលងអាធ្រាត្រ ឈានចូលថ្ងៃទី ២៤ខែមករាឆ្នាំ ២០២០ នៅចំណុចគល់ស្ពានអាកាសផ្សារដីហុយផ្នែកខាងលិច តាមបណ្ដោយផ្លូវសហព័ន្ធរុស្ស៊ី ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់និងមានបុរស៣នាក់ផ្សេងទៀតរួមដំណើរជាមួយដោយបើករថយន្តមួយគ្រឿងម៉ាកតូយូតាព្រូសពណ៌ស្ករ គ្មានស្លាកលេខធ្វើដំណើរតាមបណ្តោយផ្លូវសហព័ន្ធរុស្ស៊ីទិសដៅពីលិចទៅកើត ក្នុងល្បឿនយ៉ាងលឿន ខណៈមកដល់ចំណុចកើតហេតុមិនបានប្រុងប្រយត្ន័ក៏ជ្រុលចង្កូតទៅបុកបង្កាន់ដៃស្ពានអាកាសពេញទំហឹងបណ្ដាលឲ្យរងរបួសធ្ងន់ ២នាក់និងស្រាល២នាក់ ចំណែករថយន្តបង្ករងការខូចខាតខាងផ្នែកមុខស្ទើរទាំងស្រុង។
ប្រភពបន្តថា ភ្លាមៗជនរងគ្រោះត្រូវបានរថយន្តសង្គ្រោះបន្ទាន់ដឹកជញ្ជួនយកទៅជួយសង្គ្រោះនៅឯមន្ទីរពេទ្យផងដែរ។
ក្រោយពេលកើតហេតុសមត្ថកិច្ចមូលដ្ឋានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅឯការិយាល័យចរាចរណ៍ផ្លូវគោកនៃស្នងការរាជធានីភ្នំពេញរងចាំធ្វើការដោះស្រាយទៅតាមផ្លូវច្បាប់៕
