នគរបាលឃាត់ខ្លួនជនសង្ស័យ៤នាក់ពាក់ពន្ធ័ករណីប្រើប្រាស់គ្រឿងញៀន
កណ្តាល៖ ជនសង្ស័យចំនួន៤នាក់ត្រូវបានកម្លាំងនគរបាលស្រុកអង្គស្នួល ធ្វើការឃាត់ខ្លួនពាក់ពន្ធ័ករណីប្រើប្រាស់គ្រឿងញៀន
ហេតុការណ៍ឃាត់ខ្លួននេះធ្វើឡើងកាលពីវេលាម៉ោង០៥និង៤៥នាទីល្ងាចថ្ងៃទី០២ខែមករាឆ្នាំ២០២០ នៅចំណុច ផ្ទះជនសង្ស័យឈ្មោះ យ៉េត បូរិន ភូមិត្រពាំងផ្លុង ឃុំក្រាំងម្កាក់ ស្រុកអង្គស្នួល ខេត្តកណ្តាល ។
សមត្ថកិច្ចបានអោយដឹងថាជនសង្ស័យដែលឃាត់ខ្លួនរួមមាន៖ ទី១/ ឈ្មោះ យ៉េត បូរិនភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្ន ភូមិត្រពាំងផ្លុងឃុំក្រាំងម្កាក់ស្រុកអង្គស្នួលខេត្តកណ្តាល
(ម្ចាស់ផ្ទះប្រើប្រាស់មិនរៀងចាលមានឈ្មោះក្នុងបញ្ជីគ្រប់គ្រងរបស់រដ្ឋបាលក្រាំងម្កាក់)
ទី២-ឈ្មោះ ដា ចាន់ឌី ភេទប្រុសអាយុ១៧ឆ្នាំ ជនជាតិ ខ្មែរ ទីលំនៅ ភូមិក្រាំងម្កាក់ឃុំក្រាំងម្កាក់ស្រុកអង្គស្នួល ខេត្តកណ្តាល មុខរបរ កម្មកររោងចក្រ។(ប្រើប្រាស់ថ្នាំញៀន)។
ទី៣-ឈ្មោះ ហឿង វិរះ ភេទប្រុសអាយុ២២ឆ្នាំ ជនជាតិខ្មែរ មានទីលំភូមិត្រពាំងប្រុយឃុំបែកចាន ស្រុកអង្គស្នួលខេត្តកណ្តាល មុខរបរ មិនពិតប្រាកដ(ប្រើប្រាស់)
ទី៤-ឈ្មោះ មឿននរស់ ភេទប្រុសអាយុ១៦ឆ្នាំជនជាតិខ្មែរ មុខរបរកម្មករសំណង់ ទីលំនៅភូមិត្រពាំងផ្លុងឃុំក្រាំម្កាក់ស្រុកអង្គស្នួលខេត្តកណ្តាល(គេចខ្លួន)។
ចំណែកវត្ថុតាងដកហូតរួមមាន៖ ទូរសព្ទ័ដៃ០១គ្រឿងម៉ាកវីវ៉ូឧបករណ៍ប្រើប្រាស់ ថ្នាំញៀនមួយចំនួនទៀត។
បច្ចុប្បន្ន ជនសង្ស័យទាំង៤នាក់រួមជាមួយនិងវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុក អង្គស្នួលដើម្បីសាកសួរបន្ត និងកសាងសំណុំរឿង ចាត់ការតាមនីតិវិធីច្បាប់ ៕
