នគរបាលប៉ុស្ដិ៍ស្ទឹងមានជ័យទី២ ឃាត់ខ្លួនយុវជន៣នាក់សង្ស័យមុខសញ្ញាកាច់សោរ.កម៉ូតូ
ភ្នំពេញ៖ កម្លាំងសមត្ថកិច្ចនគរបាលប៉ុស្តិ៍ស្ទឹងមានជ័យ២ ឃាត់ខ្លួនជនសង្ស័យចំនួន៣នាក់រកឃើញឧបករណ៍សំរាប់កាច់សោរ.កម៉ូតូមួយចំនួន ៖ ហេតុការណ៍នេះកើតឡើងកាលពីវេលាម៉ោង០២និង០០នាទីរំលងអាធ្រាត្រចូលថ្ងៃទី០៥ខែកុម្ភៈឆ្នាំ២០២០ នៅចំណុចផ្លូវលំភូមិឬស្សី សង្កាត់ស្ទឹងមានជ័យទី២ ខណ្ឌ មានជ័យ រាជធានីភ្នំពេញ ។
សមត្ថកិច្ច បានឲ្យដឹងថា ជនសង្ស័យដែលឃាត់ខ្លួនទាំង៣នាក់រួមមាន៖ទី១-មានឈ្មោះ សុខ ភក្តី ភេទ ប្រុស អាយុ២១ឆ្នាំ ជនជាតិខ្មែស្នាក់នៅផ្ទះជួល ផ្លូវលំ ភូមិឬស្សី៣ សង្កាត់ ស្ទឹងមានជ័យទី២ ខណ្ឌ មានជ័យ មុខរបរ មិនពិតប្រាកដ(មានផ្ទុកសារធាតុញៀន)។
ទី២-មានឈ្មោះ ប៊ន ចាន់ទី ភេទ ប្រុសអាយុ ២២ ឆ្នាំជនជាតិខ្មែរ ស្នាក់នៅផ្ទះជួល ផ្លូវលំ ភូមិឬស្សី សង្កាត់ ស្ទឹងមានជ័យទី២ ខណ្ឌ មានជ័យ មុខរបរមិនពិតប្រាកដ(មានផ្ទុកសារធាតុញៀន)។
ទី៣-ឈ្មោះ ព្រឿង កូលីន ភេទ ប្រុសអាយុ ១៨ ឆ្នាំជនជាតិ ខ្មែរ ស្នាក់នៅផ្ទះជួល ផ្លូវលំ ភូមិឬស្សី សង្កាត់ ស្ទឹងមានជ័យទី២ ខណ្ឌ មានជ័យ មុខរបរ មិនពិតប្រាកដ(មានផ្ទុកសារធាតុញៀន) ។
ចំណែកវត្ថុតាងចាប់យកមាន៖ ដែកចុងស្រួច០១ដើម,សោរទីបលេខ០៨ចំនួន០១ដើម,ដែកលួសរសៃ០១កំណាត់និង ម៉ូតូ០១គ្រឿងម៉ាក MSX ពណ៍សលាយខ្មៅ មានលេខម៉ាស៊ីន 1501277 គ្មានស្លាកលេខ ។
សមត្ថកិច្ចបន្តថា មុនពេលឃាត់ខ្លួនជនសង្ស័យ កម្លាំងនគរបាលប៉ុស្តិ៍ស្ទឹងមានជ័យទី២ បានធ្វើការល្បាតពួនស្ទាក់នៅក្នុងមូលដ្ឋាន ខណៈពេលដែលមកដល់ចំណុចផ្លូវលំ ភូមិឬស្សីសង្កាត់ស្ទឹងមានជ័យទី២ ខណ្ឌ មានជ័យ ក៏បានប្រទះឃើញជនសង្ស័យខាងលើចំនួន៣នាក់ជិះម៉ូតូ១គ្រឿងម៉ាកMSX ពណ៍សលាយខ្មៅ គ្មានស្លាកលេខ ដោយមានការសង្ស័យកម្លាំងសមត្ថកិច្ច បានឃាត់សួរនាំត្រួតពិនិត្យឆែកឆេររកឃើញឧបករណ៍សំរាប់កាច់សោរ.កម៉ូតូមួយចំនួនក៏បាននាំមកធ្វើការសាកសួរនៅប៉ុស្តិ៍នគរបាលស្ទឹងមានជ័យ២តែម្ដង ។
បច្ចុប្បន្ន ជនសង្ស័យទាំង០៣នាក់រួមនិងវត្ថុតាងត្រូវបានសមត្ថកិច្ច ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីសាកសួរនិងកសាងសំណុំរឿងចាត់តាមនីតិវិធីច្បាប់៕
