បុរសម្នាក់ដើរឆ្លងផ្លូវត្រូវថយន្តមិនស្គាល់ម៉ាកបុកស្លាប់យ៉ាងអាណោចអធម៌
ភ្នំពេញ ៖ អាសូរបុរសម្នាក់បានស្លាប់បាត់បង់គួរអោយសង្វេក ខណៈដើរឆ្លងផ្លូវត្រូវរថយន្តមិនស្គាល់ម៉ាកបុករួចបើកគេចបាត់ស្រមោល
ហេតុការណ៍គ្រោះចរាចរណ៍នេះបានកើតឡើងកាលពីវេលាម៉ោង០១និង១៥នាទីយប់រំលងអធ្រាតឈានចូលថ្ងៃទី១១ ខែកុម្ភះ ឆ្នាំ២០២០ នៅតាមបណ្ដោយផ្លូវជាតិលេខ៤ ក្បែវត្តកំបូល ក្នុងសង្កាត់កំបូល ខណ្ឌកំបូល។
សពជនរងគ្រោះមិនទាន់ស្គាល់អត្តសញ្ញាណនៅឡើយ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសរងគ្រោះបានដើរឆ្លងផ្លូវ ខណៈកំពុងតែដើរបានពាក់កណ្ដាលផ្លូវ ស្របពេលរថយន្តមួយគ្រឿងមិនចាំម៉ាកបើកពីខាងលិចទៅកើតក្នុងល្បឿនលឿនបុកចំពេញទំហឹងបណ្ដាលឲ្យដួលបោកក្បាលនិងថ្នល់ស្លាប់គួរឲ្យរន្ធត់ ។
ប្រភពដដែលបានបន្ត រថយន្តបង្កបន្ទាប់ពីបុកបុរសរងគ្រោះរួចបានបើកគេចបាត់ ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់និងបានទាក់ទងរថយន្តសាម៉ុយដឹកសពជនរងគ្រោះយកទៅតម្កល់ទុកនៅវត្តទឹកថ្លារងចាំស្រាយជ្រាយរកសាច់ញ្ញាតិមកទទួលយកទៅធ្វើបុណ្យតាមប្រពៃណី៕
