Monday, November 25, 2024
Latest:
ព័ត៌មាន​ជាតិសន្តិសុខ​សង្គម

ឯកសណ្ឋាននិស្សិតនគរបាលកម្ពុជាថ្មី ៧ឈុត ត្រូវបានអនុញ្ញាឲ្យប្រើប្រាស់ជាផ្លូវការចាប់ពីថ្ងៃនេះតទៅ

Kong Posay

កណ្តាល ៖ ឯកសណ្ឋាននិស្សិតនគរបាលកម្ពុជាថ្មី ៧ឈុត ត្រូវបានអនុញ្ញាឲ្យប្រើប្រាស់ជាផ្លូវការចាប់ពីថ្ងៃនេះតទៅ។ ឯកឧត្តម នាយឧត្តមសេនីយ៍សាស្រ្តចារ្យ សេង ផល្លី ប្រធានបណ្ឌិត្យសភានគរបាលកម្ពុជា បានថ្លែងបញ្ជាក់ថា គោលបំណងនៃការបង្កើតឯកសណ្ឋានថ្មីនេះ គឺដើម្បីកំណត់អត្តសញ្ញាណ និងពង្រឹងវិន័យអ្នកសិក្សា ព្រមទាំងមានភាពងាយស្រួលក្នុងការគ្រប់គ្រង និងដើម្បីលើកកម្ពស់កិត្យានុភាពឧត្ដមភាព របស់បណ្ឌិត្យ នឹងអាចប្រៀបធៀបបានជាមួយស្ថាប័នបណ្តុះបណ្តាលកងកម្លាំងនគរបាល នៃប្រទេសនានា ក្នុងក្របខ័ណ្ឌអាស៊ាន និងក្នុងតំបន់។ថ្លែងនៅក្នុងពិធីផ្សព្វផ្សាយអំពីការប្រើប្រាស់ឯកសណ្ឋានថ្មី សម្រាប់និស្សិតនាយនគរបាល និងសិស្សនគរបាល នៅព្រឹកថ្ងៃទី២១ កុម្ភៈនេះ នៅបណ្ឌត្យសភានគរបាលកម្ពុជាដីឥដ្ឋ ខេត្តកណ្ដាល បណ្ឌិត្យសភានគរបាលកម្ពុជា ឯកឧត្តមបានថ្លែងបញ្ជាក់ទៀតថា ឯកសណ្ឋានថ្មីនេះ ត្រូវបានធ្វើការស្រាវជ្រាវដកស្រង់បទពិសោធន៍ពីអន្តរជាតិ អស់រយៈពេលជិត២ឆ្នាំ។ ឯកសណ្ឋាននិស្សិតនគរបាលកម្ពុជាថ្មី ៧ឈុត ត្រូវបានអនុញ្ញាឲ្យប្រើប្រាស់ជាផ្លូវការចាប់ពីថ្ងៃនេះតទៅ។ឯកសណ្ឋាននីមួយៗ មានលក្ខណៈទម្រង់ស្រដៀងនឹងឯកសណ្ឋាននគរបាលដែរ តែប្លែកនៅលើពណ៌មួក សញ្ញាលើស្មា និងផ្លាកសញ្ញានានា ដែលត្រូវសំគាល់ថា ពណ៌ក្រហម ជានិស្សិតថ្នាក់បរិញ្ញាបត្រជាន់ខ្ពស់ឆ្នាំទី២, ពណ៌ត្នោត សម្គាល់និស្សិតថ្នាក់បរិញ្ញាបត្រជាន់ខ្ពស់ឆ្នាំទី១, ពណ៌ខៀវ សម្គាល់និស្សិតថ្នាក់បរិញ្ញាបត្រឆ្នាំទី៤, ពណ៌ស្វាយ សម្គាល់និស្សិតថ្នាក់បរិញ្ញាបត្រឆ្នាំទី៣, ពណ៌បៃតងសម្គាល់និស្សិតថ្នាក់បរិញ្ញាបត្រឆ្នាំទី២, ពណ៌ទឹកក្រូច សម្គាល់និស្សិតថ្នាក់បរិញ្ញាបត្រឆ្នាំទី១ និងពណ៌លឿងសម្គាល់និស្សិតនគរបាលជាតិ៕

      

You May Also Like

សម្តេចតេជោ ហ៊ុន សែន អញ្ជើញថ្លែងសារផ្ញើជូនជនរួមជាតិខ្មែរ ពាក់ព័ន្ធការបិទបញ្ចប់ព្រឹត្តិការណ៍សហគមន៍ ២៨ វិច្ឆិកា, ខួប២២ឆ្នាំនៃនយោបាយឈ្នះឈ្នះ និងការទទួលបានដំណក់ប្រេងលើកដំបូងរបស់កម្ពុជា

សួន វីរៈ

ចាំមើលវាសនា​ លោក​ ម៉ាន់​ ដេវិដ​ អាចជាប់ទោសទាន់​ ដែរឬទេ! ខណៈ​ ដែលនាយឧត្តមសេនីយ៍ សៅ សុខា​ បញ្ជាឲ្យស្រាវជ្រាវឈ្មោះ​ ម៉ាន់ដេវិដ​ ដែលគំរាមបាញ់​ សម្លាប់អ្នកកក់ឆ្នោតវៀតណាម

សួន វីរៈ

រថយន្ដដឹកទូរទឹកក,ម៉ាសុីនត្រជាក់និងកង្ហារ បម្រុងឆ្លងដែនទៅប្រទេសវៀតណាមតាមច្រកប៉ុស្តិ៍នគរបាលការពារព្រំដែនគោកសំយ៉ោង តែត្រូវ បែកធ្លាយ

សួន វីរៈ