អាណិតណាស់! នារីម្នាក់ត្រូវរថយន្តមិនស្គាល់ម៉ាកបុកនិងកិនស្លាប់យ៉ាងអាណោចអធម៌ ឯម្នាក់ទៀតរបួសធ្ងន់
ភ្នំពេញ ៖ យ៉ាងហោចណាស់នារីបានស្លាប់គួរឲ្យរន្ធត់និងម្នាក់ទៀតរបួសធ្ងន់ ខណ:នារីជិះម៉ូតូឌុបគ្នាត្រូវរថយន្តមិនស្គាល់ម៉ាកបុកនិងកិនខ្ទេចជេីងទាំងសងខាងស្លាប់នៅនិងកន្លែង ៖ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២ និង១៥នាទីរំលងអាធ្រាត្រ ឈានចូលថ្ងៃទី១៦ ខែមីនា ឆ្នាំ២០២០ នៅត្រង់ចំណុចស្តុបបាគូ ស្ថិតក្នុងភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ ។
សពនារីរងគ្រោះមានឈ្មោះ សុខុម ភេទស្រី អាយុ២៤ឆ្នាំ មុខរបរ បុគ្គលិកហាងស្ទឹងមាសព្រែកជ្រៃ បច្ចុប្បន្នស្នាក់នៅភូមិជើងឯង សង្កាត់ជើងឯក ខណ្ឌដង្កោ ។ ចំណែកនារីរងរបួសធ្ងន់ឈ្មោះ មឿន ផល្លី ភេទស្រី អាយុ២៥ឆ្នាំ មុខរបរ បុគ្គលិក ហាងស្ទឹងមាសព្រែកជ្រៃ ស្នាក់នៅជាមួយគ្នា ។ ជនរងគ្រោះទាំង២នាក់ជិះម៉ូតូមួយគ្រឿងម៉ាកHONDA C125 ពណ៍ខ្មៅ ពាក់ស្លាកលេខ ភ្នំពេញ1HZ-9012 ។ រីឯរថយន្តបង្កមិនត្រូវបានគេស្គាល់ម៉ាកនោះទេ បន្ទាប់ពីបង្កហេតុបានបើកគេចបានស្រមោល។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់និងទាក់ទងទៅជំនាញចរាចរណ៍ផ្លូវគោក មកធ្វេីការវាស់វែង និងធ្វេីកំណត់ហេតុ ប្រគល់សពឲ្យទៅខាងរថយន្តដឹកសពជនរងគ្រោះយកទៅតម្កល់នៅវត្តទឹកថ្លា រងចាំសមត្ថកិច្ចស្រាវជ្រាវរកសាច់ញាតិមកទទួលយកទៅធ្វើបុណ្យ ។ ចំណែកម៉ូតូត្រូវបានសមត្ថកិច្ចយកទៅរក្សាទុក្ខនៅអធិការនគរបាលខណ្ឌដង្កោ រង់ចាំប្រគល់ជូនសាច់ញាតិនៅពេលក្រោយ ៕
