រថយន្តដឹកដីបេីកបត់ឆ្លងផ្លូវ ត្រូវរថយន្តក្រឡុកសុីម៉ងបុក បណ្ដាលឲ្យក្រឡាប់ចាក់សុីម៉ងចោលពេញផ្លូវ
ភ្នំពេញ ៖ រន្ធត់ណាស់រថយន្តបែនដឹកដីបើកបត់ឆ្លងផ្លូវខ្វះការប្រុងប្រយត្ន័ត្រូវរថយន្តក្រឡុកសុីម៉ង់បុកក្រឡាប់ផ្ងាជើងចាក់សុីម៉ង់ពេញផ្លូវ ៖ ហេតុការណ៍គ្រោះចរាចរណ៍នេះបានកើតឡើងកាលពីវេលាម៉ោង០៧និង២០នាទីយប់ ថ្ងៃទី១៧ ខែមីនាឆ្នាំ២០២០ នៅតាមបណ្ដោយផ្លូវជាតិលេខ១ ស្ថិតក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ។
បើតាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងគេឃេីញរថយន្តម៉ាក ហុីយ៉ាន់ដាយ ប្រភេទបែនដឹកដី ពាក់ស្លាកលេខភ្នំពេញ 3D-4292 បើកបរដោយបុរសម្នាក់ធ្វេីដំណេីរតាមផ្លូវជាតិលេខ១ ទិសដៅពីកេីតទៅលិច ខណៈមកដល់ចំណុចកេីតហេតុក៏បានបត់ឆ្វេងឆ្លងផ្លូវ ស្របពេលដែលរថយន្តក្រឡុកសុីម៉ងមួយគ្រឿងទៀត ធ្វេីដំណេីរមកពីក្រោយ ក្នុងល្បឿនលឿននិងជាន់ហ្វាំងមិនទាន់ក៏ជ្រុលទៅបុករថយន្ត បែនដឹកដីចំប្រឆិតពីមុខពេញទំហឹង បណ្ដាលឲ្យរថយន្តក្រឡុកសុីម៉ងក្រឡាប់ផ្ងារជេីង្រង៉ាង និងចាក់បេតុងចោលពេញលេីផ្លូវជាតិលេខ១ ។ សំណាងល្អមិនបណ្ដាលឲ្យមនុស្សណាម្នាក់រងរបួស ។
ក្រោយពេលកេីតហេតុ គេឃេីញបុគ្គលិកភាគីខាងរថយន្តក្រឡុកសុីម៉ង មកចុះកេីបសុីម៉ង និងលាងសំអាតសុីម៉ង់ចេញពីលេីផ្លូវជាតិលេខ១ឲ្យស្អាតផងដែរ។ រីឯរថយន្តក្រឡុកសុីម៉ង និងរថយន្តបែនដឹកដីរងការខូចខាតត្រូវបានសមត្ថកិច្ចធ្វេីការវាស់វែងយកទៅរក្សាទុកនៅការិយាល័យចរាចរណ៍ជេីងគោក រាជធានីភ្នំពេញ រង់ចាំដោះស្រាយគ្នានាពេលក្រោយ ៕កូននាគក្រោមស្ពាន
