ក្ដៅៗកូនស្រីតារាកំប្លែង នាយត្រដក់ ចងកសម្លាប់ខ្លួននៅមុននេះបន្ដិច
ជារឿងមួយគួរឲ្យភ្ញាក់ផ្អើលដែលកូនស្រីរូបស្រស់សោភាតារាកំប្លែងនាយ ត្រដក់ ចងកធ្វើអត្តឃាតខ្លួនឯងនៅមុននេះបន្ដិច ធ្វើឲ្យក្រុមគ្រួសារក្ដុកក្ដួលនិងសោកសង្រេងយ៉ាងខ្លាំងដោយមិននឹកស្មានថាកូនស្រីរបស់ខ្លួនគិតខ្លីដូច្នេះសោះ។
កូនស្រីតារាកំប្លែង នាយត្រដក់ បានចង់កធ្វើអត្តឃាតខ្លួនឯងទាំងវ័យក្មេង មិនគួរណាប្អូនគិតខ្លីហើយដាច់ចិត្តទៅចោលលោក ពូ ត្រដក់ ដូច្នេះសោះ។ សូមឲ្យព្រលឹងប្អូនទៅកាន់សុគតិភព”។
កូនស្រីតារាកំប្លែងនាយ ត្រដក់ ដែលបានចងកសម្លាប់ខ្លួននៅថ្ងៃទី៣០ ខែមីនា ឆ្នាំ ២០២០ នេះមានឈ្មោះ វ៉ាន់ ដានីត អាយុ ៣២ឆ្នាំ រស់នៅភូមិ ១១ សង្កាត់ស្រះចក ខណ្ឌដូនពេញ រាជធានីភ្នំពេញ។
ចំពោះការចងកធ្វើអត្តឃាតខ្លួនឯងនេះដែរ មិនដឹងថាមកពីមូលហេតុអ្វីឡើយព្រោះក្រុមគ្រួសារតារាកំប្លែង នាយ ត្រដក់ មិនអាចទាក់ទងសុំការបកស្រាយបានឡើយ សង្ឃឹមថាក្រុមគ្រួសារលោកនឹងចេញមុខបញ្ជាក់ចំពោះមូលហេតុដែលកូនស្រីសម្លាប់ខ្លួនឲ្យមហាជនបានដឹងក្នុងពេលឆាប់ៗនេះផងចុះ៕
