បើករថយន្តកុងតឺន័រប្រដេញគ្នា ពេញផ្លូវបង្កគ្រោះថ្នាក់ចរាចរណ៍ដល់អ្នកដ៏ទៃ
ភ្នំពេញ៖ រថយន្តកុងតឺន័រពីរគ្រឿងបេីក ប្រដេញគ្នាដូចឡានប្រណាំង ខ្វះការប្រុងប្រយ័ត្នក៏ជ្រុលចង្កូតទៅបុករថយន្តបែនដឹកដីពីក្រោយពេញទំហឹង បណ្ដាលឲ្យរថយន្តកុងតឺន័រខ្ទេចមួយកំណាត់មុខ
ហេតុការណ៍គ្រោះថ្នាក់ចរាចរណ៍នេះ បានកេីតឡេីងនៅវេលាម៉ោង ០១និង៣០នាទី រំលងអធ្រាត្រឈានចូលថ្ងៃទី០៣ ខែមេសា ឆ្នាំ២០២០ នៅតាមបណ្ដោយផ្លូវជាតិលេខ១ ស្ថិតក្នុងភូមិក្ដីតាកុយ សង្កាត់និរោធ ខណ្ឌច្បារអំពៅ រាជធានីភ្នំពេញ ។
បើតាមប្រភពព័ត៍មាន បានឲ្យដឹងថា នៅមុនពេលកេីតហេតុគេបានឃេីញរថយន្តកុងតឺន័រមួយគ្រឿង ក្បាលពណ៍ស ពាក់ស្លាកលេខ ភ្នំពេញ 3B-5995 បើកបរដោយបុរសម្នាក់ធ្វើដំណើរតាមបណ្ដោយផ្លូវជាតិលេខ១ ទិសដៅពីកើតទៅលិច ក្នុងល្បឿនយ៉ាងលឿនប្រដេញគ្នាជាមួយនិងរថយន្តកុងតឺន័រមួយគ្រឿងទៀត ខណៈមកដល់ចំណុចកេីតហេតុខាងលេី ដោយខ្វះការប្រុងប្រយ័ត្នក៏ជ្រុលចង្កូតទៅបុកពីក្រោយរថយន្តបែនដឹកដីមួយគ្រឿងពណ៍ស ពាក់ស្លាកលេខ ភ្នំពេញ 3E-9257 យ៉ាងពេញទំហឹង បណ្ដាលឲ្យរថយន្តកុងតឺន័រ ខ្ទេចមួយកំណាត់មុខ រងការខូចខាតយ៉ាងដំណំ ចំណែកអ្នកបេីកបររថយន្តកុងតឺន័ររងរបួសធ្ងន់ធ្ងរ ត្រូវបានបញ្ជូនទៅសង្គ្រោះនៅមន្ទីពេទ្យភ្លាមៗផងដែរ ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់និងបានទាក់ទងទៅខាងជំនាញចុះមកវាស់វែង និងយករថយន្តទាំងពីរទៅរក្សារទុកនៅ ការិយាល័យ ចរាចរណ៍ផ្លូវគោក រាជធានីភ្នំពេញ រងចាំដោះស្រាយគ្នានៅពេលក្រោយ៕
