អតីតស្វាមី ដកកាំភ្លើងបាញ់ទៅលើប្រពន្ធ បណ្ដាលឱ្យស្លាប់ ពេលបញ្ជូនទៅកាន់មន្ទីរពេទ្យកាលម៉ែត្រ រីឯកូនស្រីរងរបួសធ្ងន់
ភ្នំពេញ ៖ (បឋម)ស្ត្រីម្នាក់ ត្រូវបានអតីតស្វាមីបាញ់ចំនួនមួយគ្រាប់ បណ្ដាលឱ្យស្លាប់ ពេលបញ្ជូនទៅកាន់មន្ទីរពេទ្យកាលម៉ែត្រ រីឯកូនស្រីរងរបួសធ្ងន់។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង៨យប់ ថ្ងៃទី៦ ខែមេសា ឆ្នាំ២០២០ នៅតាមបណ្ដោយផ្លូវ១៩៨៦ ទល់មុខនឹងមន្ទីរពេទ្យសែនសុខ(IU) ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បើតាមសមត្ថកិច្ច បានប្រាប់ឲ្យដឹងថា ជនសង្ស័យដែលបានធ្វើសកម្មភាពបាញ់នោះ គឺបាញ់ចំនួន៤គ្រាប់ ក៏ប៉ុន្តែចាញ់ចេញតែមួយគ្រាប់ បណ្ដាលឱ្យត្រូវស្ត្រីរងគ្រោះ រងរបួសធ្ងន់ ត្រូវបានបញ្ជូនទៅកាន់មន្ទីរពេទ្យកាល់ម៉ែត ប៉ុន្តែបានស្លាប់ពេលបញ្ជូនទៅកាន់មន្ទីរពេទ្យ រីឯកូនស្រីរងរបួសធ្ងន់។ ហើយខណៈនេះសមត្ថកិច្ចកំពុងតាមចាប់ជនសង្ស័យ។
