នគរបាលស្រុកកំពង់ស្វាយចុះបង្ក្រាបទីតាំងល្បែងសុីសង( អាប៉ោង )ឃាត់ខ្លួនម្ចាស់ផ្ទះបានម្នាក់
កំពង់ធំ៖ កម្លាំងនគរបាល ជំនាញនៃអធិការដ្ឋាននគរបាលស្រុកកំពង់ស្វាយដឹកនាំដោយលោក វរ:សេនីយ៍ត្រី ផន ផាត អធិការរងទទួលផែនការងារយុត្តិធម៌ បានចុះបង្ក្រាបល្បែងសុីសងខុសច្បាប់(អាប៉ោង)មួយកន្លែងនៅភូមិឥន្ទកុមារ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ កាលពីវេលាម៉ោង០៤និង០០នាទីរសៀលថ្ងៃទី០៨ខែមេសា ឆ្នាំ២០២០ ឃាត់ខ្លួនម្ចាស់ផ្ទះម្នាក់មានឈ្មោះ ហុឹម គឹមហ៊ង ភេទប្រុស អាយុ៤៤ឆ្នាំ មុខរបរកសិករ នៅភូមិ / ឃុំកើតហេតុខាងលើ ជាអ្នកបើកឲ្យគេលេងល្បែង (អាប៉ោង) ។
សមត្ថកិច្ចបានអោយដឹងថាបន្ទាប់ពីបង្ក្រាបសមត្ថកិច្ចបានដកហូតវត្ថុតាងរួមមាន៖ ម៉ូតូចំនួន០៧គ្រឿង , កំរាលអង្គុយលេងចំនួន ០១ , ចានអាប៉ោងចំនួន ០២ , កំរាលហាន់តោចំនួន០១ , ផ្តិជ័រគ្របចំនួន០២ ,ស្បែកជើងចំនួន០៥គូ ចំណែកឯអ្នកលេងបានរត់គេចខ្លួនអស់ ។
បច្ចុប្បន្ន ជនសង្ស័យរួមនិងវត្ថុតាងសមត្ថកិច្ចជំនាញកំពង់កសាងសំណុំរឿងតាមនីតិវិធី៕
