យុវជនម្នាក់ត្រូវរថយន្តមិនស្គាល់ម៉ាកបើកបុកស្លាប់គួរឲ្យរន្ធត់
ភ្នំពេញ ៖ យុវជនម្នាក់បានស្លាប់បាត់បង់ជីវិត យ៉ាងអាណោចអធម៌ បន្ទាប់ពីជិះម៉ូតូត្រូវបានរថយន្តមិនស្គាល់ម៉ាកបុកពេញទំហឹង
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០និង ៣០នាទីយប់ ថ្ងៃទី៩ ខែមេសា ឆ្នាំ ២០២០ ត្រង់ចំណុចខាងកើតរង្វង់មូលនាងបីគួរស្រូវប្រមាណ ២០០ ម៉ែត្រ តាមបណ្ដោយផ្លូវជាតិលេខ ២ស្ថិតនៅក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានី ភ្នំពេញ។
ជនរងគ្រោះដែលស្លាប់មានឈ្មោះ ផេង វុត្ថា ភេទប្រុសអាយុ២៧ឆ្នាំ ជនជាតិខ្មែរ មុខរបរធ្វើការរោងចក្រ រស់នៅភូមិស្រីស្នំ សង្កាត់ ព្រែកកំពឹស ខណ្ឌដង្កោ រាជធានី ភ្នំពេញ ជិះម៉ូតូម៉ាក suzuki លែក ពណ៌ខៀវ លាយស ពាក់ស្លាកលេខ ភ្នំពេញ1GQ.7495 ។
បើតាមសម្ដីបុរសម្នាក់ដែលរស់នៅក្បែកន្លែងកើតហេតុបានឲ្យដឹងថា មុនដំបូងគាត់ឮសូរប្រាវ ភ្លាមៗគាត់ចេញមកមើលស្រាប់តែឃើញជនរងគ្រោះខាងលើដេកស្លាប់នៅនិងថ្នល់ហើយក៏ឃើញរថយន្តបើក រត់ចេញទៅទិសខាងលិច បាត់ស្រមោល ដោយមិនដឹងថារថយន្តម៉ាកអ្វីនោះទេ។
សមត្ថកិច្ចជំនាញចរាចរណ៏បានឲ្យដឹងថា ជនរងគ្រោះជិះម៉ូតូតាមបណ្តោយផ្លូវជាតិលេខ២ទឹសដៅពីលិចទៅកើត ចំណែកឯរថយន្តបើកតាមបណ្តោយផ្លូវជាតិលេខ២ទឹសដៅពីកើតទៅលិចតែមិនចាំម៉ាកនោះទេ ឯម៉ូតូរងការខូចខាតផ្នែកខាងមុខយ៉ាងដំណំ។
ក្រោយកើតហេតុសមត្ថកិច្ចមូលដ្ឋានផ្នែកជំនាញបានចុះមកដល់ក៏វាស់វែងយកម៉ូតូទៅរក្សាទុកនិងធ្វើកំណត់ហេតុ ប្រគល់សពឲ្យទៅសាច់ញាតិយកទៅធ្វើបុណ្យតាមប្រពៃណី៕
