ចិន ប្លន់រថយន្តពីចិនដូចគ្នាបានសំរេចនៅខណ្ឌ៧មករា យកមកប្លុងចោលក្នុងកោះពេជ្រ រួចគេចខ្លួនបាត់
ភ្នំពេញ៖ ជនសង្ស័យម្នាក់ដែលជាជនជាតិចិនបានធ្វេីសកម្មភាពយកកាំបិតផ្ចុងប្លន់យករថយន្ត ម៉ាកព្រូស ពីជនជាតិចិន ដូចគ្នាបានសម្រេច ក្នុងអំឡុងម៉ោងប្រហែល៩យប់ថ្ងៃទី១៤ខែមេសាឆ្នាំ២០២០ នៅតាមបណ្ដោយផ្លូវ១១១ កែងផ្លូវ២៤២ ក្នុងសង្កាត់បឹងព្រលិត ខណ្ឌ៧មករា រួចយកទៅផ្លុងចោលមុខអាគារB ក្នុងមជ្ឈមណ្ឌលកោះពេជ្រ ត្រូវបានកម្លាំងសមត្ថកិច្ចខណ្ឌ៧មករា សហការជាមួយនគរបាលជំនាញកម្រិតស្រាល នៃស្នងការដ្ឋាននគរបាល រាជធានីភ្នំពេញ និង កម្លាំងនគរបាលខណ្ឌចំការមន ស្រាវជ្រាវឃេីញតាមប្រព័ន្ធGPS នៅវេលាម៉ោង១០យប់ថ្ងៃទី១៤ ខែមេសា ឆ្នាំ២០២០ដដែល ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា រថយន្តដែលត្រូវជនសង្ស័យភ្ជង់ប្លន់ ម៉ាកToyota Prius ពណ៌ផ្ទៃមេឃ ពាក់ស្លាកលេខភ្នំពេញ2AW-6277កម្មសិទ្ធរបស់ជនជាតិខ្មែរ បានជួលឲ្យជនជាតិចិន ខណ:នៅថ្ងៃកេីតហេតុ មានជនសង្ស័យម្នាក់ដែលជាជនជាតិចិន បានធ្វេីសកម្មភាពយកកាំបិតភ្ជង់ប្លន់យករថយន្តពីជនរងគ្រោះជាជនជាតិចិន ដូចគ្នានៅសង្កាត់បឹងព្រលិត ខណ្ឌ៧មករា យកមកចតទុកមុខអាគារB ក្នុងមជ្ឈមណ្ឌលកោះពេជ្រ ខណ្ឌចំការមន រួចគេចខ្លួនបាត់ ។
ក្រោយពីមានករណីប្លន់រថយន្តខាងលេីនេះកេីតឡេីង កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខណ្ឌ៧មករា និងកម្លាំងនគរបាលខណ្ឌចំការមន ធ្វេីការស្រាវជ្រាវតាមប្រពន្ធGPS ទើបរកឃេីញរថយន្តព្រូសខាងលេី ។ តែសោកស្ដាយសមត្ថកិច្ចចាប់ជនសង្ស័យមិនបាន ។ ក្រោយមកសមត្ថកិច្ចបានធ្វេីកំណត់ហេតុ ហេីយស្ទួចយករថយន្តម៉ាកToyota Prius ខាងលេីទៅរក្សាទុកនៅអធិការដ្ឋាននគរបាលខណ្ឌ៧មករា ដេីម្បីធ្វេីការស្រាវជ្រាវបន្តតាមនីតិវិធី ៕
