បុរសម្នាក់ត្រូវខ្មាន់កាំភ្លើងមិនស្គាល់មុខបាញ់ចំមួយគ្រាប់របួសធ្ងន់ នៅខណ្ឌដូនពេញ
ភ្នំពេញ៖ បុរសម្នាក់ត្រូវបានខ្មាន់កាំភ្លើងបាញ់ចំនួន២គ្រាប់ត្រូវ ១គ្រាប់ចំកំប៉េះគូថរងរបួសធ្ងន់ធ្ងរ ៖ ហេតុការណ៍នេះបានបង្កឱ្យការភ្ញាក់ផ្អើលកាលពីវេលាម៉ោង៣និង១០នាទីទៀបភ្លឺថ្ងៃទី២៦ខែមេសា ឆ្នាំ២០២០ នៅចំណុច មុខ សូរិយ៉ាម៉ល តាមបណ្ដោយផ្លូវ៥១(ផ្លូវប៉ាស្ទ័រ)ក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
ជនរងគ្រោះមិនត្រូវបានស្គាល់អត្តសញ្ញាណ នោះទេដោយដឹងថាជាអ្នកដើរថ្មើរជើង។
បើតាមប្រភពពីកន្លែងកើតហេតុបានឲ្យដឹងថា មុនដំបូងគេឃើញបុរសរងគ្រោះចេញពីណេតជិតកន្លែងកើតហេតុដោយដើរតាមបណ្ដោយផ្លូវ៥១ ទិសដៅពីជើងទៅត្បូងលុះមកដល់ចំណុចកើតហេតុស្រាប់តែ មានជនសង្ស័យចំនួន៣ នាក់ជិះម៉ូតូ ២គ្រឿងមិនចាំម៉ាកបានដកកាំភ្លើងបាញ់ចំនួន២គ្រាប់សំដៅទៅជនរងគ្រោះបណ្ដាលឱ្យត្រូវចំកំប៉េះគូថដួលដេកនៅកណ្ដាលថ្នល់បង្កការភ្ញាក់ផ្អើលយ៉ាងខ្លាំងដល់ប្រជាពលរដ្ឋក៏ដូចជាសមត្ថកិច្ចចុះមកអន្តរាគមន៍ និងរើសយកសំបកគ្រាប់ទៅបាត់បន្សល់ទុកតែជនរងគ្រោះនិងស្រោមកាំភ្លើងនៅកន្លែងកើតហេតុ។តែក្រោយមកក៏មានរថយន្តសង្គ្រោះមកយកជនរងគ្រោះទៅមន្ទីរពេទ្យកាល់ម៉ែត្រ ដើម្បីសង្គ្រោះជីវិតផងដែរ។
ក្រោយកើតហេតុ សមត្ថកិច្ចមូលដ្ឋានបានចុះមកសួរនាំនៅកន្លែងកើតហេតុ ហើយអ្នកឃើញហេតុការណ៍បានប្រាប់ថាក្រោយពីបាញ់រួចជនដៃដល់ចំនួន៣នាក់បានជិះម៉ូតូ ២គ្រឿងគេចបាត់ស្រមោល៕
