អាណិតណាស់! ក្មេងប្រុសម្នាក់ត្រូវរថយន្តមិនចាំម៉ាកកិនស្លាប់ និងយុវជន២នាក់ទៀតរងរបួសធ្ងន់
ភ្នំពេញ ៖ រន្ធត់ណាស់ រថយន្តមិនចាំម៉ាកមិនចាំស្លាកលេខ បើកប៉ះដៃចង្កូតម៉ូតូបណ្ដាលឲ្យដួលនិងកិនក្មេងប្រុសម្នាក់ស្លាប់យ៉ាងអាណោចអធម៌ និងយុវជន២នាក់ទៀតរបួសធ្ងន់ ៖ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង០៨និង៣០នាទីយប់ថ្ងៃទី២៦ខែមេសាឆ្នាំ២០២០ នៅតាមបណ្ដោយផ្លូវបេតុង ច្រកចូលវត្តព្រៃស្ពឺ ក្នុងភូមិស្រែជំម្រៅ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
សពក្មេងប្រុសរងគ្រោះឈ្មោះ សុង ម៉េងយ៉ុង ភេទប្រុស អាយុ១១ឆ្នាំ មុនរបបសិស្ស ស្នាក់នៅជាមួយឪពុកម្ដាយ ក្នុងភូមិព្រៃព្រីងខាងត្បូង៣ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ រីឯយុវជនរងគ្រោះ២នាក់ទៀតនៅមិទាន់ស្គាល់អត្តសញ្ញាណនោះទេ ។
យោងតាមប្រភពព័ត៌មានពីប្រជាពលរដ្ឋដែលនៅក្បែរកន្លែងកេីតហេតុ បានឲ្យដឹងថា មុនដំបូងឃើញរថយន្តមួយគ្រឿងម៉ាកសាយ៉ុង មិនចាំស្លាកលេខ បានធ្វេីដំណេីរតាមបណ្ដោយផ្លូវបេតុងចំណុចកេីតហេតុ ទិសដៅពីលិចទៅកេីតក្នុងល្បឿនយ៉ាងលឿន លុះមកដល់ចំណុចកើតហេតុក៏ប៉ះដៃចង្កូតជាមួយម៉ូតូជនរងគ្រោះម៉ាក ហុងដាឌ្រីម ស៊េរី២០២០ ពណ៌ខ្មៅ ពាក់ស្លាកលេខភ្នំពេញ1IF-4971ដែលធ្វេីដំណេីរបញ្ច្រាស់ទិសគ្នាបណ្ដាលឲ្យដួល ធ្វេីឲ្យក្មេងប្រុសរងគ្រោះម្នាក់ដួលចូលក្រោមកង់រថយន្តកិនស្លាប់នៅនិងកន្លែង រីឯយុវជន២នាក់ទៀតដែលរួមដំណេីរជាមួយរងរបួសធ្ងន់ ត្រូវបានប្រជាពលរដ្ឋទាក់ទងរថយន្តសាមុយដឹកយកទៅសង្គ្រោះភ្លាមៗផងដែរ ។ ក្នុងករណីគ្រោះថ្នាក់ចរាចរណ៍ខាងលេីនេះ រថយន្តបង្កមិនបានឈប់ទទួលខុសត្រូវនោះទេ ដោយបានព្យាយាមបេីកគេចបាត់ស្រមោល ។
ក្រោយកេីតហេតុ គេឃើញម្ដាយបង្កេីតរួមនិងសាច់ញាតិក្មេងប្រុសរងគ្រោះបានចុះមកដល់ទ្រហោយំទួញសោកយ៉ាងខ្លាំង ។ បន្ទាប់មកសមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញចរាចណ៍ខណ្ឌឲ្យមកធ្វេីការវាស់វែងយកម៉ូតូជនរងគ្រោះទៅរក្សាទុក និងធ្វេីកំណត់ហេតុប្រគល់សពឲ្យទៅសាច់ញាតិនិងក្រុមគ្រួសារយកទៅធ្វេីបុណ្យតាមប្រពៃណី ៕
