ឪពុកចិត្តតិរច្ឆានចាប់កូនស្រីបង្កើតរំលោភរហូតមានផ្ទៃពោះសំរាលកូន
មណ្ឌលគិរី ៖ ជនសង្ស័យម្នាក់ចាប់រំលោភកូនស្រីបង្កើតរបស់ខ្លួនត្រូវប្ដឹងសមត្ថកិច្ចឲ្យចាប់ខ្លួន កាលពីថ្ងៃទី២៦ខែមេសា ឆ្នាំ២០២០នៅភូមិ ណងប៊ួ ឃុំណងឃីលឹក ស្រុកកោះញែក ខេត្តមណ្ឌលគិរី ។
ជនសង្ស័យមានឈ្មោះ សិង សៃ អាយុ៤២ ឆ្នាំ មុខរបរ កសិកររស់នៅចំណុចទំនប់បាក់ខាំ ភូមិណងប៊ួ ឃុំណងឃីលក ស្រុកកោះញែក។
ចំណែកជនរងគ្រោះឈ្មោះ ស ធយ ភេទស្រី អាយុ១៦ឆ្នាំរស់នៅភូមិឃុំខាងលើជាមួយឪពុក ដែលជាជនសង្ស័យមានកូនក្នុងផ្ទៃ០៧ខែហើយ បានកើតនៅក្នុងកំឡុងខែមេសាឆ្នាំ២០២០នេះ។
សូមបញ្ជាក់ថា៖ ជនសង្ស័យដែលរំលោភកូនបង្កេីតខ្លួនឯង ត្រូវបាននគបាលស្រុកកោះញែក ឃាត់ខ្លួនកាលពីថ្ងៃទី២៦ខែមេសា ឆ្នាំ២០២០នៅភូមិ ណងប៊ួ ឃុំណងឃីលឹក ស្រុកកោះញែក ខេត្តមណ្ឌលគិរី ។
សមត្ថកិច្ចបានអយដឹងថាជនសង្ស័យជាឪពុក បានសារភាពថា៖ ខ្លួនពិតជាបានចាប់រំលោភកូនស្រីបង្កើតខ្លួនឯងដែលមានអាយុទើបតែ១៦ឆ្នាំនោះប្រាកដមែន។
ហើយការរំលោភកូនស្រីខ្លួនឯងលើកទីមួយគឺចាប់ផ្ដើមនៅក្នុងខែតុលាឆ្នាំ២០១៩ និងជាបន្តបន្ទាប់រហូតដល់ទៅ៩ដង រហូតកូនស្រីមានផ្ទៃពោះ ម្ដាយក៏ដូចជាសាច់ញាតិចាប់ផ្ដើមមានការសង្ស័យបានសួរនាំទើបកូនស្រីប្រាប់ថា៖ ឪពុកជាអ្នកចាប់រំលោភទើបម្ដាយទៅដាក់ពាក្យបណ្ដឹងអោយសមត្ថកិច្ចឃាត់ខ្លួនជនសង្ស័យតែម្ដង។
លោកឧត្តមសេនីយ៍ត្រី សូ សុវណ្ណ ស្នងការរងនៃស្នងការដ្ឋាននគរបាលខេត្តមណ្ឌលគិរីបានដឹងនៅព្រឹកថ្ងៃទី២៩មេសានេះថា៖ជនសង្ស័យជាឪពុក បានធ្វើសកម្មភាពរំលោភកូនស្រីខ្លួនឯងនៅលើផ្ទះពេលយប់ ពេលម្ដាយមិននៅដោយឡើងទៅខ្ទប់មាត់ រួចសម្រាតខោអាវធ្វើការចាប់រំលោភបានសម្រេចនឹងគំរាមកូនស្រីថាបើហ៊ានប្រាប់ម្ដាយឬបងប្អូននិងសម្លាប់ចោល ។
សូមបញ្ជាក់ថា ជនសង្ស័យត្រូវសមត្ថកិច្ចកសាងសំណុំរឿងបញ្ជូនទៅតុលាការកាលរសៀលថ្ងៃទី២៨មេសា២០២០ម្សិលមិញរួចហើយ៕
